Skipuð skrifstofustjóri lögfræðisviðs
Fjármála- og efnahagsráðherra hefur skipað Lilju Sturludóttur til að gegna embætti skrifstofustjóra lögfræðisviðs.
Lilja lauk kandídatsprófi í lögfræði frá Háskóla Íslands árið 1996 og meistaraprófi í þjóðarrétti frá Háskólanum í Lundi árið 1998. Hún hefur starfað í fjármála- og efnahagsráðuneytinu síðan árið 2001, fyrst sem sérfræðingur á tekju- og lagaskrifstofu og síðar sem fulltrúi ráðuneytisins í Brussel. Frá árinu 2010 hefur hún verið staðgengill skrifstofustjóra lögfræðisviðs.
Embættið var auglýst í mars sl. og sóttu 6 um.