Styrkir veittir úr þróunarfjárframlagi til hrossaræktar fyrir árið 2016
Úthlutað hefur verið úr sjóði þróunarfjárframlags til hrossaræktar fyrir árið 2016. Markmið styrkveitinganna er að efla markaðssókn og ræktun íslenska hestsins. Lögð er megin áhersla á að styrkja átaks- og nýsköpunarverkefni sem geta orðið sjálfbær eftir að þróunartímabili þeirra lýkur, útgáfu- og kynningarstarfsemi og hagnýtar rannsóknir. Úthlutað var 5,6 milljónum króna í þetta sinn.
Eftirfarandi er listi yfir úthlutun úr sjóðnum í ár:
Verkefni | Umsækjandi | Styrkveiting |
Heimur hestsins - fróðleikur um íslenska hestinn fyrir börn | Félag hrossabænda og Landsamband hestamannafélaga | 2.000.000 |
Hestatorg (The Icelandic Horse Plaza) - Landsmót á Hólum í Hjaltadal 2016 | Félag hrossabænda, Félag tamningamanna, Landssamband hestamannafélaga, Landsmót ehf., Hólaskóli, Háskólinn á Hólum, Landbúnaðarháskóli Íslands, Sögusetur íslenska hestsins og WorldFengur - BÍ. | 1.500.000 |
Líffræðileg virkni mismunandi méla og beislisbúnaðar á munn hesta | Sigríður Björnsdóttir og Torbjörn Lundström | 1.000.000 |
Könnun á markaði fyrir íslensk hross | Félag hrossabænda og Landsamband hestamannafélaga | 700.000 |
Enska útgáfa bókarinnar "Alte Zuchtlinien" í tilefni Landsmóts á Hólum | Verlag Alpha Umi UG - Caroline Kerstin Mende | 200.000 |
Könnun á mati á eiginleikanum vilji og geðslag í kynbótadómi í íslenskri hrossarækt | Heiðrún Sigurðardóttir | 200.000 |