Breyting á byggingarreglugerð og ný reglugerð um birtingar staðla í umsögn

Umhverfis- og auðlindaráðuneytið óskar eftir umsögnum um drög að breytingu á byggingarreglugerð og nýrri reglugerð um birtingu tilvísana til staðla um byggingarvörur.

Breytingin á byggingarreglugerð varðar annars vegar ákvæði um byggingarvörur og hins vegar ákvæði um steinsteypu, sem samræma þarf ákvæðum nýrra laga um byggingarvörur.

Drög að reglugerð um birtingu tilvísana til staðla á sér stoð í lögum um byggingarvörur en gert er ráð fyrir að Staðlaráð Íslands annist birtingu tilvísana til samhæfðra evrópskra staðla um byggingarvörur. Þá er lagt til að listi yfir staðlana verði birtir á vef Staðlaráðs, www.samhaefdirstadlar.is.

Umsögnum um reglugerðina skal skilað fyrir 1. júlí nk. á netfangið [email protected] eða í bréfpósti, á umhverfis- og auðlindaráðuneytið, Skuggasundi 1, 101 Reykjavík.

Drög að reglugerð um birtingu tilvísana til staðla um byggingarvörur (pdf)

Drög að reglugerð um breytingu á byggingarreglugerð nr. 112/2012. (pdf)