Velferðarráðuneytið

Mál nr. 8/2016: Úrskurður frá 27. júní 2016

Ár 2016, mánudaginn 27. júní, er í Félagsdómi í málinu nr. 8/2016                                                        

Stéttarfélag lögfræðinga

(Jón Sigurðsson hrl.)

gegn

íslenska ríkinu

v/Sýslumannsins í Vestmannaeyjum

(Soffía Jónsdóttir hrl.)

                                                          

kveðinn upp svofelldur

ú r s k u r ð u r:

Mál þetta var tekið til úrskurðar 30. maí sl. um kröfu um niðurfellingu málsins og málskostnaðarkröfur aðila.

Málið úrskurða Arnfríður Einarsdóttir, Ásmundur Helgason, Guðni Á. Haraldsson, Inga B. Hjaltadóttir og Guðmundur B. Ólafsson.

 

Stefnandi er Stéttarfélag lögfræðinga, Borgartúni 6, Reykjavík.

Stefndi er íslenska ríkið, Arnarhvoli við Lindargötu, vegna Sýslumannsins í Vestmannaeyjum, Heiðarvegi 15, Vestmannaeyjum.

Í þinghaldi 30. maí sl. upplýsti lögmaður stefnda að stefndi féllist á viðurkenningarkröfu stefnanda í málinu en krafðist þess að málskostnaður yrði felldur niður. Lögmaður stefnanda gerði kröfu um málskostnað úr hendi stefnda. Málið var tekið til úrskurðar eftir að lögmenn aðila höfðu fært rök fyrir kröfum sínum að því er varðaði málskostnað.

Með vísan til ákvæða 1. og 2. mgr. 105. gr. laga nr. 91/1991, um meðferð einkamála, sbr. 69. gr. laga nr. 80/1938, um stéttarfélög og vinnudeilur, ber að fella mál þetta niður og úrskurða jafnframt um málskostnaðarkröfur.

Í samræmi við meginreglu 1. mgr. 130. gr. laga nr. 91/1991 ber stefnda að greiða stefnanda málskostnað sem ákveðinn verður 300.000 krónur.

 

Ú r s k u r ð a r o r ð:

Mál þetta fellur niður.

Stefndi, íslenska ríkið vegna Sýslumannsins í Vestmannaeyjum, greiði stefnanda, Stéttarfélagi lögfræðinga, 300.000 krónur í málskostnað.

 

Arnfríður Einarsdóttir

Ásmundur Helgason

Guðni Á. Haraldsson

Inga Björg Hjaltadóttir

Guðmundur B. Ólafsson

Efnisorð

Hafa samband

Ábending / fyrirspurn