Gunnar Bragi sækir ráðstefnuna „Our Ocean“ í Washington
Gunnar Bragi
Sveinsson sjávarútvegs- og landbúnaðarráðherra sækir þriðju „Our Ocean“ ráðstefnuna
sem haldin verður 15. og 16. september
í Washington. Ráðstefnan er haldin að frumkvæði Johns Kerrys, utanríkisráðherra
Bandaríkjanna og fjallar hún um vernd hafsvæða, sjálfbæra nýtingu á auðlindum hafsins,
mengun sjávar og áhrif hnattrænnar hlýnunar á höfin.
Á ráðstefnuna er boðið mörgum af helstu vísindamönnum heims á þessu sviði, stjórnmálamönnum, lykilaðilum úr viðskiptalífi og frumkvöðlum til að leita bestu lausna og skuldbindandi aðgerða til að vernda hafið og auðlindir þess.