Velferðarráðuneytið

Íslenski jafnlaunastaðallinn gæti orðið öðrum þjóðum fyrirmynd

Jafnretti
Jafnretti

Yfirmaður jafnréttismála hjá Alþjóðavinnumálastofnuninni (ILO) segir íslenska jafnlaunastaðalinn áhugaverða nýjung sem geti orðið öðrum þjóðum fyrirmynd. Fjallað er um málið í nýjasta tölublaði Arbetsliv i Norden.

Shauna Olney fer með yfirstjórn jafnréttismála hjá Alþjóðavinnumálastofnuninni og fer fyrir umræðu um konur á vinnumarkaði sem stofnunin stendur fyrir í tengslum við aldarafmæli sitt árið 2019.

Samkvæmt umfjöllun Arbetsliv i Norden hefur kynjamunur á vinnumarkaði haldist að mestu óbreyttur frá því á áttunda áratugnum. Þá sé sláandi hvað þróunin á þessu málefnasviði hefur verið hægfara þegar rýnt er í alþjóðleg gögn sem ILO hefur aflað.

Í umfjölluninni er rætt við sérfræðinga um ýmsar hliðar kynjamisréttis á vinnumarkaði, ástæður, afleiðingar og leiðir til úrbóta. Meðal annars er varpað fram þeirri spurningu hvort Íslendingar hafi fundið svarið með þróun jafnlaunastaðalsins sem er hinn fyrsti sinnar tegundar í heiminum.

Shauna Olney segir áhugavert að fylgjast með innleiðingu staðalsins á Íslandi, ekki síst fyrir það hvernig byggt er á þríhliða samstarfi ríkisins, atvinnurekenda og launafólks. Þessi sameiginlega nálgun sé mikilvæg til að vinna breytingum framgang.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn