Fundur með forstöðumönnum stofnana innanríkisráðuneytis
Ragnhildur Hjaltadóttir ráðuneytisstjóri fór yfir nýtt skipurit ráðuneytisins sem tók gildi á dögunum. Fjallaði hún um helstu ástæður breytingarinnar og sagði þær meðal annars vera að eftir rúmlega 5 ára starfstíma ráðuneytisins væri eðlilegt að endurskoða skipulagið og að fram hefðu komið ábendingar um endurskoðun. Sjá skipurit ráðuneytisins.
Ingilín Kristmannsdóttir, skrifstofustjóri skrifstofu stefnumótunar og fjárlaga, fjallaði um fjármálin. Greindi hún frá fjármálaáætlun áranna 2017 til 2022, fjáraukalög fyrir 2016 sem nú eru til meðferðar á Alþingi, lokafjárlög 2015 og fjárlög næsta árs og hvernig undirbúningi þeirra væri háttað.
Þá fjallaði Marta Birna Baldursdóttir, sérfræðingur í fjármála- og efnahagsráðuneytinu, um áætlanagerð stofnana til þriggja ára og að síðustu ræddi Ingilín Kristmannsdóttir um tímaásinn í verkefninu framundan. Í lok fundar voru umræður.
Frá forstöðumannafundi innanríkisráðuneytis.