Skýrsla starfshóps um hvernig treysta megi innviði og búsetu í sveitum
Í rammasamningi um almenn starfsskilyrði landbúnaðarins sem undirritaður var fyrr á þessu ári er mælt fyrir um í bókun að ráðist verði í starf sem miðaði að því að treysta innviði og búsetu í sveitum.
Samkvæmt bókuninni var hópnum ætlað „meðal annars að finna skilgreindar leiðir sem stuðla að aukinni sjálfbærni sveitanna, eflingu framleiðslu og úrvinnslu matvæla ekki síst svo að meiri virðisauki verði í byggðunum. Sérstaklega verði skoðuð uppbygging innviða, svo sem samgangna, fjarskipta og raforku. Einnig möguleika sveitanna og framlag þeirra til þátttöku í aðgerðum vegna loftslagsmála. Þá verði litið til úrræða til að treysta fjárhag bænda og greiða enn frekar fyrir ættliðaskiptum á bújörðum.“
Þann 7. júní 2016 skipaði sjávarútvegs- og landbúnaðarráðherra starfshóp um að treysta innviði og búsetu í sveitum. Hópurinn var þannig skipaður:
- Eiríkur Blöndal, formaður
- Einar Ófeigur Björnsson, tilnefndur af Bændasamtökum Íslands.
- Guðrún Lárusdóttir, tilnefnd af Bændasamtökum Íslands.
- Hrafn Hlynsson, tilnefndur af fjármála- og efnahagsráðherra.
- Þórdís Friðbjörnsdóttir, tilnefnd af sjávarútvegs- og landbúnaðarráðherra.
Hópurinn skilaði skýrslu sinni til Byggðastofnunar og munu niðurstöður hennar nýtast sem innlegg við mótun byggðaáætlunar 2017-2023.