Nefnd um málefni flóttafólks

Þorsteinn Víglundsson félags- og jafnréttismálaráðherra hefur skipað nefnd sem kortleggja á núverandi þjónustu við þá sem fengið hafa stöðu flóttafólks eftir hælismeðferð og gera tillögu að samræmdu móttökukerfi fyrir flóttafólk.

Sérstaklega skal hugað að þætti sveitar­félaga og frjálsra félagasamtaka við móttöku flóttafólks, tengslum milli stjórn­sýslustofnana og fræðslu fyrir starfsfólk ríkis og sveitarfélaga sem kemur að móttöku flótta­fólks.

Skipun nefndarinnar er í samræmi við þingsályktun um framkvæmdaáætlun í málefnum innflytjenda fyrir árið 2016-2019 sem samþykkt var af Alþingi þann 20. september 2016.　　

Nefndina skipa:

• Kristján Sturluson, án tilnefningar, formaður　　
• Anna Guðrún Björnsdóttir, tiln. af Sambandi íslenskra sveitarfélaga　
• Guðlaug Hrönn Pétursdóttir, tiln. af Vinnumálastofnun　　
• Hrafnhildur Kvaran, tiln. af Rauða krossinum á Íslandi　　
• Íris Björg Kristjánsdóttir, tiln. af innanríkisráðuneytinu　　
• Páll Ólafsson, tiln. af Barnaverndarstofu　　
• Rúnar H. Haraldsson, tiln. af Fjölmenningarsetri　　
• Sigurður Örn Eyjólfsson, tiln. af Útlendingastofnun　

Starfsmaður nefndarinnar er Linda Rós Alfreðsdóttir.