Umhverfis- og auðlindaráðuneytið

Vegvísir um minnkun gróðurhúsalofttegunda frá landbúnaði í vinnslu

Frá undirritun samningsins í dag. - mynd
Björt Ólafsdóttir, umhverfis- og auðlindaráðherra og Vignir Sigurðsson, framkvæmdastjóri Ráðgjafarmiðstöðvar landbúnaðarins skrifuðu í dag undir samning um verkefni við mótun vegvísis um minnkun losunar gróðurhúsalofttegunda frá landbúnaði.

Verkefnið er liður í sóknaráætlun Íslands í loftslagsmálum og munu niðurstöður þess nýtast inn í aðgerðaráætlun Íslands í loftslagsmálum sem liggja á fyrir í lok árs.

Samningurinn felur í sér að Ráðgjafarmiðstöð landbúnaðarins leitar samstarfs við 4-5 bú þar sem lagt verður mat á losun gróðurhúsalofttegunda vegna búrekstursins og landnotkunar. Jafnframt verður leitað leiða til að draga úr losun í samvinnu við þátttakendur í verkefninu og gerð áætlun um raunhæfar aðgerðir til þess.

Ráðgjafarmiðstöð landbúnaðarins mun leita samstarfs við aðila á sviði rannsókna, menntunar, þróunar, tæknilausna, landbúnaðartengdrar starfsemi, ríkis og sveitarfélaga í þeim tilgangi að þróa samstarfsnet sem getur nýst til framtíðar við stefnumótun og þróun lausna.

Efnisorð

Heimsmarkmiðin

Hafa samband

Ábending / fyrirspurn