Almennur læknir - Heilsugæslan Hamraborg - Kópavogur - 201710/1642
Almennur læknir við Heilsugæsluna Hamraborg
Við bjóðum velkominn til starfa almennan lækni í 100% starf frá 1.desember n.k. eða eftir nánara samkomulagi. Umsóknarfrestur er til og með 6. nóvember 2017.
Heilsugæslan Hamraborg er hverfisstöð og er fyrst og fremst ætlað að þjóna íbúum vesturhluta Kópavogs. Á heilsugæslustöðinni starfa sex sérfræðingar í heimilislækningum ásamt sálfræðingi, hjúkrunarfræðingum, ljósmæðrum og riturum. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).
Hjá okkur er sjúklingamóttaka sem byggir á samvinnu fagstétta þar sem samfelld, persónuleg þjónusta við skjólstæðinga er höfð að leiðarljósi. Á stöðinni er leitast við að viðhalda þekkingu með öflugri fræðsludagskrá og starfsþjálfun í heimilislækningum ef við á. Starfið hentar því vel lækni með áhuga á sérnámi í heimilislækningum.
Helstu verkefni og ábyrgð
Starfsvið læknis felst m.a. í almennum lækningum, heilsuvernd og vaktþjónustu ásamt þátttöku í teymisvinnu samstarfsfólks. Viðkomandi býðst einnig að taka þátt í faglegri þróun og mótun verklags.
Hæfnikröfur
Þess er krafist að umsækjendur hafi almennt lækningaleyfi, að þeir búi yfir góðri skipulagshæfni, séu sjálfstæðir í starfi og viðhafi öguð vinnubrögð. Góð hæfni í mannlegum samskiptum er skilyrði og reynsla af teymisvinnu er kostur. Góð íslensku kunnátta skilyrði.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Stéttarfélag er Læknafélag Íslands.
Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík.
Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum.
Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.
Starfshlutfall er 80 - 100%
Umsóknarfrestur er til og með 06.11.2017
Nánari upplýsingar veitir
Svava Kristín Þorkelsdóttir - [email protected] - 585-1300
Kristjana Sigrún Kjartansdóttir - [email protected] - 585-1300
HH Hamraborg lækningar
Hamraborg 8
200 Kópavogur