Velferðarráðuneytið

Styrkir til nýsköpunarverkefna á sviði velferðarþjónustu sveitarfélaga

Velferðarráðuneytið auglýsir eftir umsóknum um styrki til nýsköpunarverkefna á sviði velferðarþjónustu sveitarfélaga. Tilgangur styrkveitinganna er að stuðla að nýsköpun og frumkvöðlahugsun þar sem leitað er nýrra leiða til að auka lífsgæði notenda velferðarþjónustunnar í nútíð og framtíð.

Umsækjendur skulu vera sveitarfélög, stofnanir þeirra sem og aðrir sem annast velferðarþjónustu sveitarfélaga. Umsóknirnar skulu falla að stefnu félags- og jafnréttismálaráðherra á sviði nýsköpunar og tækni í velferðarþjónustu. Æskilegt er að fleiri aðilar, t.d. frá ólíkum stöðum á landinu, geti átt samvinnu um verkefni sem sótt er um styrk til. Jafnframt er æskilegt að í verkefnunum sé gert ráð fyrir að leitað verði samstarfs við háskóla og atvinnufyrirtæki á almennum og opinberum markaði.

Verkefnið sem sótt er um skal vísa til kafla 1.2. undir áherslusviði 1 í Stefnu í nýsköpun og tækni á sviði velferðarþjónustu.

Umsóknarfrestur er til kl. 12:00 á hádegi, föstudaginn 17. nóvember 2017.

Í styrkumsókn skulu m.a. eftirfarandi atriði koma fram: Markmið verkefnis, framkvæmda- og tímaáætlun og hvernig nýta megi niðurstöður til að styrkja þjónustu og efla lífsgæði notenda, samhliða auknu öryggi og gæðum velferðarþjónustunnar. Sótt skal um í nafni einstakra sveitarfélaga, stofnana og/eða starfseininga.

Umsækjendur skulu sækja um styrk á rafrænu formi á eyðublaðavef Stjórnarráðsins sem er aðgengilegur á eftirfarandi vefslóð: https://minarsidur.stjr.is

Innskráning á mínar síður - þrjár leiðir:

1. Auðkenning með rafrænum skilríkjum á vefnum Island.is.
2. Auðkenning með Íslykli á vefnum Island.is.
3. Notandi velur flipann Nýskráning og skráir sig á vefinn á kennitölu sinni, gefur upp fullt nafn, heimilisfang og netfang og ákveður síðan lykilorð.
Hafi notandi sótt um áður á Mínum síðum velur hann flipann Innskráning og skráir sig inn með aðferð 1 eða 2.

Nánari upplýsingar veitir Þór Garðar Þórarinsson, sérfræðingur í velferðarráðuneytinu, í síma 545 8100.

Velferðarráðuneytinu, 3. nóvember 2017

Efnisorð

Hafa samband

Ábending / fyrirspurn