Sjúkraliðar - Landspítali, Rjóður - Kópavogur - 201711/1777
Sjúkraliðar - Rjóður
Við leitum eftir sjúkraliðum til starfa í Rjóðri sem staðsett er á lóð LSH í Kópavogi. Um er að ræða 1,8 stöðugildi sem skipta má niður á 2-3 störf. Starfshlutfall er 60-100%, unnið er í vaktavinnu og er ráðið í störfin frá 1. janúar 2018 eða eftir nánara samkomulagi.
Rjóðrið er hvíldar- og endurhæfingarheimili fyrir langveik börn. Þar starfa tæplega 30 manns. Starfsemi Rjóðurs gefur börnum með ólæknandi sjúkdóma möguleika á að dvelja reglulega í öruggu umhverfi þar sem þau njóta umönnunar hjúkrunarmenntaðs fagfólks.
Helstu verkefni og ábyrgð
» Umönnun langveikra barna sem koma í hvíldarinnlagnir og endurhæfingu
» Samstarf við Barnaspítala Hringsins
» Fjölskylduhjúkrun
Hæfnikröfur
» Áhugi og hæfni til að starfa í teymi
» Faglegur metnaður og frumkvæði í starfi
» Góð hæfni í mannlegum samskiptum
» Reynsla í umönnun barna er æskileg
» Íslenskt sjúkraliðaleyfi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.
Umsókn fylgi náms- og starfsferilskrá ásamt starfsleyfi.
Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 60 - 100%
Umsóknarfrestur er til og með 04.12.2017
Nánari upplýsingar veitir
Guðrún Ragnars - [email protected] - 543 9260
LSH Rjóður
Kópavogsbraut 5-7
200 Kópavogur