Hoppa yfir valmynd
Utanríkisráðuneytið

Utanríkisráðuneytið veitir 75 milljónir til mannúðaraðstoðar á þremur neyðarsvæðum

Barnahjálp Sameinuðu þjóðanna (UNICEF) fær 30 milljónir til mannúðaraðstoðar í Jemen, Mannfjöldasjóður Sameinuðu þjóðanna (UNFPA) fær 30 milljónir til mannúðaraðstoðar í Lýðræðislega lýðveldinu Kongó (DRC) og neyðarsjóður Samræmingarskrifstofu Sameinuðu þjóðanna í mannúðarmálum (OCHA) fær 15,5 milljónir króna vegna Palestínu.

Fram hefur komið í fréttum að Sameinuðu þjóðirnar hafa óskað eftir hæstu upphæð í sögunni til neyðaraðstoðar í heiminum á næsta ári, eða rúmlega 22 milljörðum bandarískra dala. Þær hvetja þjóðir heims til að leggja fram fjármuni til að veita þeim verst stöddu aðstoð, um 90 milljónum manna. Þörfin snýr einkum að versnandi ástandi í nokkrum Afríkuríkjum og Miðausturlöndum í tengslum við aukin átök og afleiðingar þeirra.

Gífurleg neyð ríkir í Jemen þar sem átök, vannæring og kólera ógna lífi rúmlega 20 milljóna manna. Neyðarástand ríkir einnig í Lýðræðislega lýðveldinu Kongó og þar hefur þörfin fyrir mannúðaraðstoð og vernd aukist hratt á síðustu misserum. Palestínskir flóttamenn búa áfram við ótta og óvissu hálfri öld eftir hernám Ísraels og níu af hverjum tíu íbúum Gaza hafa þörf fyrir mannúðaraðstoð að mati Sameinuðu þjóðanna.


Efnisorð

Heimsmarkmiðin

Heimsmarkmið - mynd
Heimsmarkmið - mynd

Hafa samband

Ábending / fyrirspurn


Þessi síða notar vafrakökur Lesa meira