Áreitni á vinnustöðum, NEI TAKK
Stjórn Vinnueftirlitsins, Vinnueftirlitið og velferðarráðuneytið standa fyrir fundi 11. janúar um eflingu forvarna gegn einelti, kynferðislegri og kynbundinni áreitni og ofbeldi á vinnustöðum. Forsætisráðherra, félags- og jafnréttismálaráðherra, aðilar vinnumarkaðarins o.fl. undirrita á fundinum viljayfirlýsingu um málefnið.
Fundurinn hefst með ávarpi Katrínar Jakobsdóttur forsætisráðherra. Að því loknu flytja fulltrúar aðila vinnumarkaðarins erindi og kynntar verða tölulegar upplýsingar frá Gallup um kynferðislega áreitni á vinnumarkaði. Ásmundur Einar Daðason, félags- og jafnréttismálaráðherra, flytur lokaávarp fundarins.
Áður en fundi er slitið verður borin upp viljayfirlýsing og hún undirrituð af stjórnvöldum, aðilum vinnumarkaðarins, fyrirtækjum, stofnunum og félagasamtökum. Einnig verður hægt að undirrita yfirlýsinguna rafrænt á vef Vinnueftirlitsins að fundi loknum.
Fundurinn er haldinn til að vekja athygli á mikilvægi þess að efla forvarnir á sviði vinnuverndar með sérstaka áherslu á einelti, kynferðislega áreitni, kynbundna áreitni og ofbeldi á vinnustöðum. Fundurinn er haldinn að frumkvæði stjórnar Vinnueftirlits ríkisins þar sem sæti eiga fulltrúar stærstu samtaka aðila vinnumarkaðarins auk fulltrúa ráðherra.
Dagskrá
08:00 Kaffiveitingar
08:30 Setning, Eyjólfur Sæmundsson forstjóri Vinnueftirlitsins
08:40 Ávarp forsætisráðherra, Katrínar Jakobsdóttur
Innlegg frá aðilum vinnumarkaðarins
08.50 BSRB - Elín Björg Jónsdóttir
09:00 Gallup - Tölur um kynferðisleg áreitni á vinnumarkaði
09:10 Fjármála- og efnahagsráðuneyti
09:20 Alþýðusamband Íslands - Gylfi Arnbjörnsson
09:30 BHM - Þórunn Sveinbjarnardóttir
09:40 Samtök atvinnulífsins - Hilmar Sigurðsson, Sagafilm
09:50 Samband íslenskra sveitarfélaga - Hildur J. Gísladóttir
10:00 Ávarp og lokaorð félags- og jafnréttismálaráðherra, Ásmundar Einars Daðasonar
10.10 Undirritun viljayfirlýsingar
10.30 Fundarslit
Fundarstjóri: Kristinn Tómasson, yfirlæknir Vinnueftirlitsins
Staðsetning fundarins og skráning þátttöku
Grand Hótel Reykjavík, Sigtúni 38, 105 Reykjavík - Salur: Gullteigur.