Hoppa yfir valmynd
12. janúar 2018 Mennta- og barnamálaráðuneytið

Viðburðaríkt ár framundan á sviði íslenskrar knattspyrnu

Stóru málin á sviði íslenskra knattspyrnumála voru rædd á fundi Lilju Alfreðsdóttur, mennta- og menningarmálaráðherra, og Guðna Bergssonar, formanns KSÍ.
Á fundinum var komið víða við enda af nægu að taka á sviði íþróttamála þessi dægrin. Meðal annars ræddu ráðherra og formaður KSÍ um samspil íþrótta og menningar, ferðakostnað íþróttafélaga og að sjálfsögðu um heimsmeistaramótið í knattspyrnu sem fram fer í Rússlandi næsta sumar. Undirbúningur fyrir HM er hafinn af fullum krafti innan mennta- og menningarmálaráðuneytisins.
Uppbygging Laugardagsvallar bar einnig á góma en í vikunni skrifuðu forsætisráðherra, fjármálaráðherra, mennta- og menningarmálaráðherra, borgarstjórinn í Reykjavík og formaður KSÍ undir yfirlýsingu um skipun starfshóps um uppbyggingu vallarins.
Þá lýsti mennta- og menningarmálaráðherra yfir sérstakri ánægju með ákvarðanir KSÍ um að jafna þóknanir til kvenna- og karlalandsliðanna og að hafa boðið tíu meðlimum Tólfunnar til Rússlands. Þetta væri til fyrirmyndar af hálfu KSÍ.

Hafa samband

Ábending / fyrirspurn
Ruslvörn
Vinsamlegast svaraðu í tölustöfum