Hoppa yfir valmynd
Utanríkisráðuneytið

Tuttugu milljóna króna aukaframlag til Neyðarsjóðs SÞ

Fjárþörfin til mannúðaraðstoðar hefur meðal annars aukist vegna ástandsins í Jemen þar sem 22 milljónir manna þurfa á neyðaraðstoð að halda og 8 milljónir eru á barmi hungursneyðar. Ljósmynd frá Saada: OCHA/G.Clarke - mynd

Gífurleg aukin fjárþörf til mannúðarmála leiðir til þess að Neyðarsjóður Sameinuðu þjóðanna (CERF) hefur rúmlega tvöfaldað söfnunarmarkmið sín til mannúðaraðstoðar, úr 450 milljónum bandarískra dala árlega upp í einn milljarð dala fyrir árið 2018. Utanríkisráðuneytið hefur brugðist við neyðarbeiðni sjóðsins með 20 milljóna króna aukaframlagi.

Neyðarsjóður SÞ (CERF) er ein af áherslustofnunum Íslands á sviði mannúðaraðstoðar. Sjóðurinn var stofnaður 2006 til að gera SÞ kleift að bregðast annars vegar hraðar við neyðarástandi og hins vegar til að veita nauðsynlega aðstoð til mannúðarverkefna sem ná takmarkaðri athygli umheimsins eða hafa ekki náð að laða að sér nægt fjármagn frá framlagsríkjum. Sjóðurinn heyrir undir Samræmingarskrifstofu aðgerða SÞ í mannúðarmálum (OCHA) en hefur aðskilinn fjárhag og yfirstjórn. 

Ráðuneytið og CERF gerðu á síðasta ári rammasamning til þriggja ára, 2017–2019, sem tekur mið af úthlutunarreglum CERF og áherslum Íslands í mannúðarmálum. Samningurinn felur í sér loforð um að veita að lágmarki 50 milljónir króna í óeyrnamerkt kjarnaframlög á ári sem greidd eru í upphafi hvers árs. 

Heimsmarkmiðin

Heimsmarkmið - mynd
Heimsmarkmið - mynd

Hafa samband

Ábending / fyrirspurn


Þessi síða notar vafrakökur Lesa meira