Utanríkisráðuneytið

Árni Páll til Uppbyggingarsjóðs EES

Árni Páll Árnason tekur við stöðu varaframkvæmdastjóra skrifstofu Uppbyggingarsjóðs EES í Brussel á morgun, 1. febrúar en hann var tilnefndur til starfans af íslenskum stjórnvöldum. Árni Páll mun fara með samskipti við EES/EFTA-ríkin; Noreg, Íslands og Liectenstein og viðtökuríkin fimmtán.

Árni Páll er fyrrverandi félags- og tryggingamálaráðherra 2009–2010 og efnahags- og viðskiptaráðherra 2010–2011. Hann var alþingismaður frá 2007-2016. Árni Páll er lögmaður með sérhæfingu í Evrópurétti. Hann hefur starfað að Evrópu-, viðskipta- og varnarmálum hjá utanríkisráðuneytinu 1992-1998.

Markmið Uppbyggingarsjóðs EES er að draga úr félagslegu- og efnahagslegu misræmi innan evrópska efnahagssvæðisins og efla tvíhliða samstarf milli EES/EFTA-ríkjanna og viðtökuríkjanna; Búlgaríu, Eistlands, Grikklands, Kýpur, Lettlands, Litháen, Möltu, Portúgal, Póllands, Rúmeníu, Slóvakíu, Slóveníu, Króatíu, Tékklands og Ungverjalands.


Efnisorð

Heimsmarkmiðin

Heimsmarkmið - mynd
Heimsmarkmið - mynd
Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn