Iðjuþjálfi - Greiningar- og ráðgjafarstöð ríkisins - Kópavogi - 201802/418
Iðjuþjálfi
Iðjuþjálfi óskast til starfa á Greiningar- og ráðgjafarstöð ríkisins. Um er ræða afleysingastöðu á fagsviði langtímaeftirfylgdar, til amk 6 mánaða, með mögulegri á fastráðningu seinna. Um er að ræða 80-100% starfshlutfall og gott að viðkomandi geti hafið störf sem fyrst eða eftir nánara samkomulagi.
Starfssvið
• Mat, ráðgjöf og eftirfylgd vegna barna og unglinga með alvarleg þroskafrávik
• Samvinna og ráðgjöf til barnanna, fjölskyldna þeirra og annarra fagaðila, varðandi daglega færni, notkun hjálpartækja, aðgengismál og fleira
• Vinna í þverfaglegu teymi
• Gert er ráð fyrir þátttöku í fræðslustarfi stofnunarinnar
Menntunar- og hæfniskröfur
• Íslenskt starfsleyfi sem iðjuþjálfi
• Þekking og reynsla á iðjuþjálfun barna
• Reynsla í að meta þörf á hjálpartækjum, sækja um og fylgja eftir
• Þekking og áhugi á tölvu- og tæknitengdum lausnum er æskileg
• Hæfni í mannlegum samskiptum og til þátttöku í þverfaglegu samstarfi
Laun og kjör eru skv. gildandi kjarasamningi ríkisins og viðkomandi stéttarfélags. Frekari upplýsingar gefa Ingólfur Einarsson sviðsstjóri eða Marrit Meintema skorarstjóri fagsviðs langtímaeftirfylgdar í síma 510 8400.
Umsóknir, ásamt upplýsingum um menntun og fyrri störf, berist Greiningar- og ráðgjafarstöð ríkisins, Digranesvegi 5, 200 Kópavogi, eða í tölvupósti á [email protected] fyrir 15. mars 2018. Öllum umsóknum verður svarað.
Vegna kynjasamsetningar á vinnustaðnum eru karlmenn hvattir til að sækja um.
Litið verður svo á að umsóknir gildi í sex mánuði frá því að umsóknarfresti lýkur.
Hlutverk Greiningar- og ráðgjafarstöðvar ríkisins er að tryggja að börn með alvarlegar þroskaskerðingar sem leitt geta til fötlunar síðar á ævinni fái greiningu, ráðgjöf og önnur úrræði sem bæta lífsgæði þeirra.
Greiningar- og ráðgjafarstöð ríkisins er framsækin stofnun með fjölskylduvæna starfsmannastefnu sem býður m.a. upp á sveigjanlegan vinnutíma. Nýir starfsmenn fá handleiðslu og starfsþjálfun á aðlögunartíma og er lögð áhersla á þróun í starfi og tækifæri til sí- og endurmenntunar.