Drög að reglugerð um landverði til umsagnar

Umhverfis- og auðlindaráðuneytið óskar eftir umsögnum um drög að nýrri reglugerð um landverði.

Landverðir starfa á náttúruverndarsvæðum, annast daglegan rekstur og umsjón þeirra, sinna fræðslu og fara með eftirlit. Í reglugerðinni er meðal annars kveðið á um nám og endurmenntun landvarða, ráðningar í störf landvarða, hlutverk, starfsskyldur og valdheimildir þeirra .

Reglugerðin mun koma í stað eldri reglugerðar nr. 61/1990 um landverði.

Umsögnum skal skilað í samráðsgátt Stjórnarráðsins eigi síðar en 9. október nk.

Reglugerð um landverði í Samráðsgátt