Mennta- og menningarmálaráðuneytið

Starf upplýsingafræðings á skrifstofu laga og stjórnsýslu

Mennta- og menningarmálaráðuneytið auglýsir laust til umsóknar starf upplýsingafræðings á skrifstofu laga og stjórnsýslu. Um er að ræða fullt starf á skjalasafni sem felst m.a. í skráningu og frágangi skjala og gagna í skjalastjórnarkerfi, umsjón með geymsluskrá, upplýsingaþjónustu við starfsfólk og viðskiptavini ráðuneytisins, auk þjálfunar og kennslu.

Leitað er að háskólamenntuðum einstaklingi með reynslu og þekkingu á skjalastjórnarkerfum, þekking á opinberri stjórnsýslu er kostur.

Frumkvæði, sjálfstæð vinnubrögð, góð kunnátta í ensku og einu Norðurlandamáli og þekking á nýtingu upplýsingatækni eru nauðsynlegir kostir ásamt ritfærni og hæfni í mannlegum samskiptum.

Æskilegt er að viðkomandi geti hafið störf sem fyrst. Launakjör fylgja kjarasamningi fjármála- og efnahagsráðherra og Félags háskólamenntaðra starfsmanna Stjórnarráðsins.

Umsóknir með upplýsingum um núverandi starfsheiti umsækjenda ásamt ítarlegum upplýsingum um menntun og fyrri störf sendist mennta- og menningarmálaráðuneytinu, Sölvhólsgötu 4, 101 Reykjavík eða á netfangið [email protected] merktar „Upplýsingafræðingur 2018“.
Öllum umsóknum verður svarað þegar ákvörðum um ráðningu hefur verið tekin. Ráðuneytið hvetur konur jafnt sem karla til að sækja um. Umsóknir um starfið gilda í sex mánuði.

Umsóknafrestur er til og með 22. október 2018.

Nánari upplýsingar veitir Guðrún I. Svansdóttir, skjalastjóri, í síma 545 9500. 

 

Mennta- og menningarmálaráðuneyti, 2. október 2018.



Efnisorð

Hafa samband

Ábending / fyrirspurn