Hoppa yfir valmynd
Mennta- og menningarmálaráðuneytið

Styrkir úr safnasjóði – umsóknafrestur til 15. nóvember

Safnaráð auglýsir eftir umsóknum um styrki úr aðalúthlutun safnasjóðs á árinu 2019. Umsóknafrestur er til og með 15. nóvember nk. Í aðalúthlutun safnasjóðs eru veittir bæði verkefnastyrkir og rekstrarstyrkir, upphæð og fjöldi veittra styrkja ræðst af ráðstöfunarfé sjóðsins auk fjölda og gæðum umsókna. Viðurkennd söfn geta sótt um styrki úr safnasjóði, einnig er sjóðnum er heimilt að styrkja aðra starfsemi til að efla faglegt safnastarf.

Öll viðurkennd söfn geta sótt um verkefnastyrki til skilgreindra verkefna. Sjóðnum er einnig heimilt að styrkja aðra starfsemi til að efla faglegt safnastarf, m.a. rannsóknir á starfssviði sjóðsins og miðlun upplýsinga um þær. Önnur söfn, safnvísar, setur og sýningar geta notið styrks úr safnasjóði til skilgreindra verkefna í samstarfi við viðurkennd söfn.
Áhersluefni verkefnastyrkja fyrir næstu aðalúthlutun safnaráðs 2019 verða eftirfarandi:

• Börn og ungmenni
• Samstarfsverkefni, innanlands og utan
• Stafræn miðlun

Safnaráð vekur þó athygli á því að allar umsóknir sem uppfylla skilyrði úthlutunarreglna verða teknar til umsagnar safnaráðs. Umsóknir með þessum áhersluefnum þurfa að uppfylla sömu skilyrði um gæði umsókna og aðrar.

Eingöngu viðurkennd söfn geta sótt um rekstrarstyrk til sjóðsins til að efla starfsemi sína. Viðurkennd söfn í eigu ríkisins og viðurkennd söfn sem hljóta rekstrarstyrk á fjárlögum munu ekki hljóta rekstrarstyrk úr safnasjóði sama ár, en geta sótt um verkefnastyrki.

Umsóknum skal skila með því að fylla út rafrænt umsóknareyðublað á umsóknavef safnaráðs.

Hlutverk safnasjóðs er að styrkja starf þeirra safna sem falla undir safnalög nr. 141/2011. Mennta- og menningarmálaráðherra úthlutar styrkjum úr safnasjóði að fengnum tillögum safnaráðs.

Hafa samband

Ábending / fyrirspurn


Þessi síða notar vafrakökur Lesa meira