Verkefnastjóri svefndeildar
Verkefnastjóri svefndeildar
Landspítali leitar að aðila til að sinna stöðu verkefnastjóra svefndeildar. Svefndeild Landspítala í Fossvogi sinnir mælingum vegna gruns um svefntengda sjúkdóma og eru næturmælingar gerðar m.a. vegna gruns um kæfisvefn og aðra svefnháða sjúkdóma. Mælingar eru gerðar ýmist á legudeild A6 eða einstaklingar koma á göngudeild (A3) og fá með sér búnað sem sofið er með heima.
Svefndeild Landspítala er í vísindasamstarfi með fjölmörgum alþjóðlegum samstarfsaðilum eins og SAGIC og BOLD og skapar sú staðreynd að Reykjavík er nyrsta höfuðborg heimsins skemmtilegar áskoranir fyrir rannsóknir á svefni og svefntengdum sjúkdómum. Deildin býður upp á greiningu og meðferð fyrir allar tegundir svefnraskana og þjónustar allt Ísland. Deildin sér einnig um sjúklinga sem þurfa á langtímameðferð með svefnöndunarvél að halda.
Helstu verkefni og ábyrgð
Verkefnastjóri svefndeildar starfar undir stjórn yfirlæknis svefndeildar og mun hafa umsjón með tæknilegum þáttum svefnrannsókna sem og gæðastjórnun, sannprófanir og sjá um öryggi og viðhald tækjabúnaðar. Verkefnastjóri svefnrannsókna hefur yfirumsjón með þjálfun og skipulagi starfsmanna.
Viðkomandi starfsmaður mun taka þátt í að meta niðurstöður úr PSG, MSLT og HSAT rannsóknum og starfa með klínísku starfsfólki við innstillingu og eftirlit ýmis konar svefnöndunartækja sem notuð eru til meðferðar.
Svefndeild Landspítala leitast eftir að fá ESRS viðurkenningu sem svefnrannsóknardeild (sleep medicine centre) og mun verkefnastjóri svefnrannsókna hafa lykilhlutverk í að þróa handbók, gæðastjórnunarkerfi, endurskoðunarferla og starfsþróunarkerfi til að uppfylla þær kröfur sem ESRS setur. Einnig er mælst til þess að einstaklingur sem ráðinn verður í stöðuna muni taka þátt í rannsóknarstörfum deildar sem og verði meðhöfundur rannsóknargreina.
Hæfnikröfur
» A.m.k. tveggja ára starfsreynsla í svefnrannsóknum, þar með talið uppsetning og túlkun á margþættu svefnriti (polysomnography) samkvæmt AASM staðli um greiningar og svefnöndunarvélameðferð
» Háskólanám í líffræði eða raunvísindum
» Lokið menntun í RPSGT (eða sambærilegu námi)
» Reynsla og hæfileiki til samstarfs í hópi fleiri starfsstétta
» Reynsla í gæðaeftirliti með verkferlum er snúa að svefnrannsóknum
» Góð enskukunnátta og góðir samskiptahæfileikar
» Þjálfun í grunnendurlífgun
ÆSKILEG REYNSLA
» Reynsla í stjórnun svefnrannsókna
» Reynsla í að öðlast ESRS, AASM, ASA/NATA eða sambærilegar viðurkenningar/vottanir
» Reynsla í svefnrannsóknum
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu LSH við ráðningar á spítalanum.
Starfið er laust samkvæmt nánara samkomulagi. Umsókn fylgi náms- og starfsferilskrá. Öllum umsóknum verður svarað.
Landspítali er lifandi og fjölbreyttur vinnustaður þar sem um 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 100%
Umsóknarfrestur er til og með 04.02.2019
Nánari upplýsingar veitir
Þórarinn Gíslason - [email protected] - 824-5727
Jordan Cunningham - [email protected] - 824-6135
Landspítali
Svefnrannsóknir
Fossvogi
108 Reykjavík
Smelltu hér til að sækja um starfið