Hoppa yfir valmynd
12. febrúar 2019 Atvinnuvega- og nýsköpunarráðuneytið

Auglýsing um styrki til verkefna og viðburða sem efla atvinnulíf og nýsköpun

Atvinnuvega- og nýsköpunarráðuneytið auglýsir eftir umsóknum um styrki til verkefna og viðburða á málefnasviðum ferðamála-, iðnaðar- og nýsköpunarráðherra og sjávarútvegs- og landbúnaðarráðherra. Heildarframlag til úthlutunar fyrir hvorn ráðherra er 11,5 milljónir árið 2019 og getur hver einstaka styrkur numið allt að 10% af þeirri upphæð.

Ekki eru veittir styrkir til einstaklinga, rekstrarstyrkir, ferðastyrkir, styrkir til nefndarsetu eða styrkir til BA/BS, eða meistaraprófa. Þá eru ekki veittir styrkir til bæjarhátíða.

Umsóknum skal skila rafrænt á eyðublaðavef Stjórnarráðsins www.minarsidur.stjr.is  í síðasta lagi 11. mars 2019.

Nánari upplýsingar um styrkina og úthlutunarreglur má finna hér.

Ef óskað er frekari upplýsinga má senda póst á [email protected].

Áætlað er að ákvörðun um úthlutun liggi fyrir ekki síðar en 8. apríl 2019.


Nánar um styrkina

Skv. úthlutunarreglum munu starfshópar skipaðir af ráðherrum meta umsóknir en horft verður til ýmissa þátta við úthlutunina, m.a. hvort verkefnin þyki hafa gildi fyrir starfsemi viðkomandi málaflokks, hvort verkefnið búi yfir sérstöðu eða nýnæmi og hvort markmið og mælikvarðar séu skýrir. Frekari upplýsingar um styrkhæfi, mat á umsóknum og viðmið við úthlutum má finna í úthlutunarreglum.

Ráðuneytið mun ekki taka til umfjöllunar umsóknir sem berast utan auglýsts tímafrest eða sem berast eftir öðrum leiðum en í gegnum eyðublaðavef Stjórnarráðsins. Eftirtalin gögn skulu fylgja með umsóknum:

  • Upplýsingar um umsækjanda eða umsækjendur.
  • Upplýsingar um aðra þátttakendur og samstarfsaðila, ef einhverjir eru.
  • Nafn þess sem annast samskipti við ráðuneytið.
  • Nákvæm lýsing á verkefni, markmiðum þess og þýðingu fyrir umsækjanda og aðra.
  • Lýsing á því hvernig árangur verkefnisins verði metinn.
  • Tíma- og verkáætlun.
  • Fjárhagsáætlun, þar sem koma m.a. fram upplýsingar um áætlaðan kostnað, tekjur, hlutdeild annarra í kostnaði við verkefnið og styrkfé sem verkefnið hefur hlotið eða hefur sótt um.
  • Staðfest gögn frá samstarfsaðilum sem og önnur gögn til stuðnings umsókn.

Efnisorð

Heimsmarkmiðin

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira