Hoppa yfir valmynd

Byggingaverkfræðingur eða byggingatæknifræðingur - Hafnadeild


HAFNADEILD

Vegagerðin auglýsir eftir byggingarverkfræðingi eða byggingartæknifræðingi á hafnadeild. Um er að ræða fullt starf, við hönnun hafnamannvirkja

Á hafnadeild vinna um 8 manns við ýmis hönnunar-, þróunar- og rannsóknarverkefni, sem tengjast hafnagerð. 

Við erum að leita eftir verk- eða tæknifræðingi sem hefur áhuga á að takast á við krefjandi verkefni á sínu fagsviði frá frumstigum hönnunar til framkvæmda. Fjölmörg verkefni eru framundan varðandi uppbyggingu hafnakerfis á Íslandi. Um er að ræða spennandi starf við hönnun hafna í krefjandi umhverfi. 

Starfssvið
Vinna við hönnun hafnamannvirkja, umsjón og þáttaka í þróun hönnun hafnamannvirkja á landinu , verkefnastjórn hönnunar auk þátttöku í rannsóknarverkefnum tengdum hafnamannvirkjum og öldufari. 

Menntunar- og hæfniskröfur 
Byggingarverkfræðingur, M.Sc.eða byggingartæknifræðingur B.Sc
Lágmark 5 ára starfsreynsla við mannvirkjagerð
Þekking og reynsla í notkun teikni- og hönnunarforrita
Þekking og reynsla í notkun Microstation og Inroads er kostur
Reynsla af verkefnastjórnun er kostur
Góð hæfni í mannlegum samskiptum
Hæfni til að vinna sjálfstætt sem og í teymisvinnu
Frumkvæði og faglegur metnaður
Skipulögð og öguð vinnubrögð í starfi
Góð íslenskukunnátta
Kunnátta í ensku og einhverju norðurlandamáli

Vegagerðin er eftirsóknarverður vinnustaður sem hentar jafnt báðum kynjum. 

Laun eru greidd samkvæmt kjarasamningi ríkisins og viðkomandi stéttarfélags.
Umsóknarfrestur er til og með 1. april 2019. Umsóknir berist á netfangið s[email protected].  

Í umsókninni komi fram persónulegar upplýsingar ásamt upplýsingum um þá menntun og hæfni sem gerð eru til starfsins, þar með talið menntunar- og starfsferilsskrá. 

Tekið skal fram að umsóknir geta gilt í sex mánuði frá því að umsóknarfrestur rennur út.

Nánari upplýsingar um starfið veitir Jónas Snæbjörnsson, framkvæmdastjóri siglingsviðs ([email protected]) í síma 522 1000.

Öllum umsóknum verður svarað þegar ákvörðun um ráðningu hefur verið tekin.

Efnisorð

Hafa samband

Ábending / fyrirspurn


Þessi síða notar vafrakökur Lesa meira