Verkefnisstjóri við Rannsóknasetur Háskóla Íslands á Ströndum, Þjóðfræðistofu
Laust er til umsóknar fullt starf þjóðfræðings við verkefni sem snýst um söfnun upplýsinga og skráningu menningararfs hjá Rannsóknasetri HÍ á Ströndum - Þjóðfræðistofu. Um er að ræða nýtt verkefni styrkt samkvæmt Byggðaáætlun til tveggja ára til að byrja með. Verkefnið er unnið hjá Rannsóknasetri HÍ á Ströndum - Þjóðfræðistofu sem er til húsa í Þróunarsetrinu á Hólmavík. Búseta á svæðinu er skilyrði. Jón Jónsson þjóðfræðingur leiðir verkefnið.
Helstu verkefni og ábyrgð
Verkefnið snýst um gagnasöfnun og yfirfærslu og skráningu upplýsinga í gagnagrunna í samvinnu við söfn í héraðinu og þjóðmenningarstofnanir á landsvísu. Markmiðið er að gera menningararf á sviði þjóðfræði aðgengilegan almenningi og fræðimönnum. Unnið er með margvísleg handrit og skjöl, viðtöl, hljóðskrár og ljósmyndir.
Nánari upplýsingar um verkefnið er að finna hér:
http://rannsoknasetur.hi.is/styrkur_til_rannsoknaseturs_hi_strondum_thjodfraedistofu_til_sofnunar_upplysinga_og_skraningar
Hæfnikröfur
- BA-próf í þjóðfræði eða tengdum greinum sem nýtast við starfið
- Góð íslenskukunnátta í rituðu og töluðu máli
- Æskilegt er að viðkomandi hafi reynslu af skráningarverkefnum og vinnu með handrit og skjöl frá 19. öld
- Æskilegt er að viðkomandi hafi gott vald á upplýsingatækni og færni í að tileinka sér nýjungar á því sviði
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Æskilegt er að viðkomandi geti tekið til starfa sem fyrst.
Eftirfarandi gögn skulu fylgja umsókn:
I. Ferilskrá
II. Staðfest afrit af prófskírteinum
III. Upplýsingar um umsagnaraðila (meðmæli)
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningar í störf við Háskóla Íslands er tekið mið af jafnréttisáætlun skólans, sjá hér: https://www.hi.is/node/303261#markmid2
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands
Hólmavík á Ströndum er lítið og fallegt þorp. Þar búa um 320 manns og fleiri í sveitinni í kring. Þar er margvísleg þjónusta í boði, öflugt mannlíf, menningarstarf og félagslíf til fyrirmyndar. Útivistarmöguleikar eru miklir, náttúrufegurð, friður og ró. Á Hólmavík er góður grunn- og tónskóli og börn eru tekin inn á leikskóla frá 9 mánaða aldri. Í Þróunarsetrinu á Hólmavík þar sem Rannsóknasetur HÍ á Ströndum er til húsa hafa fleiri stofnanir aðstöðu, auk þess sem þar er skrifstofa sveitarfélagsins Strandabyggðar. Rannsóknasamfélagið á svæðinu er stöðugt að eflast. Sjá nánar á www.strandabyggd.is.
Starfshlutfall er 100%
Umsóknarfrestur er til og með 06.05.2019
Nánari upplýsingar veitir
Jón Jónsson - [email protected] - 831 4600
Háskóli Íslands
Rannsóknasetur
v/Suðurgötu
101 Reykjavík