Háskólamenntaður starfsmaður á sviði heilbrigðis- eða félagsvísinda/ dagvinna á svefndeild
Leitum eftir framsæknum einstaklingi til starfa á svefndeild Landspítala í Fossvogi. Starfið krefst sjálfstæðra vinnubragða. Um er að ræða dagvinnu með föstum vinnutíma. Æskilegt að viðkomandi geti hafið störf sem fyrst.
Svefndeild sinnir meðferð vegna svefntengdra sjúkdóma. Þangað koma einstaklingar sem þurfa á svefnöndunartæki að halda og eftirfylgd er m.a. sinnt með fjarþjónustu. Unnið er í þverfaglegri teymisvinnu á svefndeildinni sem staðsett er á göngudeild A-3 og lungnadeild A-6.
Helstu verkefni og ábyrgð
Að veita ráðgjöf, stuðning og meðferð til einstaklinga og aðstandenda þeirra sem greinst hafa með svefnháðar öndunartruflanir eða aðra svefnsjúkdóma.
Hæfnikröfur
» Hjúkrunarfræðimenntun eða háskólamenntun sem nýtist í starfi á sviði heilbrigðis- eða félagsvísinda
» Sjálfstæð og skipulögð vinnubrögð
» Jákvætt viðmót, lipurð í samskiptum og fagleg framkoma
» Hæfni til að starfa í teymi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Öllum umsóknum verður svarað. Tekið er mið af jafnréttisstefnu LSH við ráðningar á spítalanum.
Umsókn fylgi náms- og starfsferilskrá ásamt afriti af prófskírteinum og starfsleyfi ef við á.
Landspítali er lifandi og fjölbreyttur vinnustaður þar sem yfir 5.500 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 60 - 100%
Umsóknarfrestur er til og með 06.05.2019
Nánari upplýsingar veitir
Björg Eysteinsdóttir - [email protected] - 825 3601
Þórdís Ágústa Ingólfsdóttir - [email protected] - 824 5480
Landspítali
Svefnrannsóknir hjúkrun
Fossvogi
108 Reykjavík
Sækja um starf
Starfssvið: Sérfræðingar á heilbrigðissviði