Framhaldsskólakennarar

Framhaldsskólakennarar

Framhaldsskólinn í Vestmannaeyjum óskar að ráða framhaldsskólakennara (sbr. lög nr. 87/2008) í eftirfarandi störf næsta skólaár: 
 
Vélvirki og/eða málmiðnmeistari, 100% staða (málmsmíði, málmsuða, plötusmíði og rennismíði).
Vélstjórnarkennari, 50%-75% staða.
Listgreinakennari, 50%-75% staða.
Sérkennari á starfsbraut, 100% staða.
Raungreinakennari, 100% staða, afleysing í eitt ár. (efnafræði og líffræði).

Sóst er eftir framhaldsskólakennurum sem hafa til að bera góða samskipta- og skipulagshæfni, þjónustulund, frumkvæði, sjálfstæði í vinnubrögðum, áhuga á að vinna með ungu fólki og taka þátt í þróunarstarfi í kennsluháttum og námsmati og þverfaglegu samstarfi. 

Um laun fer eftir gildandi kjarasamningi fjármálaráðherra og Kennarasambands Íslands skv. nánari útfærslu í stofnanasamningi. Ráðning verður frá 1. ágúst 2019.

Umsóknarfrestur er til og með 13. maí n.k.

Ekki þarf að sækja um á sérstökum umsóknareyðublöðum en í umsókn þarf að greina frá menntun (og staðfesta með ljósriti af prófskírteinum), fyrri störfum og öðru því sem umsækjandi telur að máli skipti. Tekið skal fram að skv. 4. mgr. 8. gr. laga um framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga. 
Öllum umsóknum verður svarað þegar ákvörðun um ráðningu hefur verið tekin. 

Umsóknir berist til Helgu Kristínar Kolbeins skólameistara, Framhaldsskólans í Vestmannaeyjum, Dalvegi 2, 900, Vestmannaeyjum eða á netfangið [email protected]  eigi síðar en 13. maí 2019.

Nánari upplýsingar veita aðstoðarskólameistari, Thelma B. Gísladóttir ([email protected]) og skólameistari, Helga Kristín Kolbeins ([email protected]) í síma 488-1070.

Framhaldsskólinn í Vestmannaeyjum
Helga Kristín Kolbeins
Skólameistari FÍV