Íþróttir sameina: fundur íþróttamálaráðherra Íslands og Tyrklands
„Við áttum ánægjulegan og fróðlegan fund og ræddum vítt og breitt um áherslur landanna á íþróttasviðinu. Við ræddum meðal annars um mikilvægi almenningsíþrótta en Tyrkir hafa unnið að því að undanförnu að auka þátttöku almennings í íþróttastarfi, ekki síst barna og unglinga. Á þeim sviðum höfum við Íslendingar mörgu að miðla,“ sagði Lilja Alfreðsdóttir mennta- og menningarmálaráðherra, „við hlökkum bæði til leiksins á eftir og erum sammála um mikilvægi íþróttanna sem sameiningarafls.“
Ráðherrarnir skiptust á landsliðstreyjum á fundi sínum og bauð Kasapoğlu Lilju Alfreðsdóttur að koma á seinni leik liðanna sem fara mun fram í Tyrklandi í október.