Félagsráðgjafi - Fossvogur
Félagsráðgjafi - Landspítali Fossvogur
Við leitum að öflugum liðsmanni í hóp félagsráðgjafa á Landspítala í Fossvogi Um er að ræða áhugavert starf með margvíslegum möguleikum á starfsþróun. Starfshlutfall er 100% og er æskilegt að umsækjandi geti hafið störf sem fyrst eða eftir nánara samkomulagi.
Við félagsráðgjöf starfa rúmlega 50 félagsráðgjafar í þverfaglegum teymum og í nánu samstarfi við aðra starfsmenn spítalans. Lögð er áhersla á þverfaglega teymisvinnu, fjölskyldumiðaða nálgun og gagnreynd vinnubrögð.
Helstu verkefni og ábyrgð
Meginverkefni eru að veita sjúklingum og fjölskyldum þeirra félagsráðgjafameðferð og stuðning til þess að takast á við sálfélagslegar afleiðingar veikinda. Unnið er á legu- dag og göngudeildum vegna þjónustu við aldurshópinn 18-67 ára. Um er að ræða taugalækningadeild B2, dag- og göngudeild taugasjúkdóma , MND-teymi, Parkinsons-teymi bráðalyflækningadeild A2, HNE, lýta og æðaskurðdeild A4, bráðamóttöku, gjörgæsludeild og þjónustu við HIV smitaða.
Verkefnin eru fyrst og fremst að veita sjúklingum og fjölskyldum þeirra stuðning, upplýsingar og aðstoð við mál sem koma upp í erfiðum veikindum. Unnið er í nánu samstarfi við aðra heilbrigðisstarfsmenn.
Hæfnikröfur
» Fjölbreytt starfsreynsla á sviði félags- og/ eða heilbrigðisþjónustu
» Þekking og reynsla af því að vinna með fjölskyldum er kostur
» Framúrskarandi hæfni í samskiptum og þverfaglegri teymisvinnu
» Frumkvæði, framsýni og metnaður í starfi
» Sjálfstæð og skipulögð vinnubrögð
» Íslenskt starfsleyfi félagsráðgjafa
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félagsráðgjafafélag Íslands hafa gert.
Tekið er mið af jafnréttisstefnu LSH við ráðningar á spítalanum.
Umsókn fylgi náms- og starfsferilskrá ásamt starfsleyfi. Valið verður úr hópi umsækjenda á grundvelli viðtala og framlagðra gagna. Öllum umsóknum verður svarað.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 100%
Umsóknarfrestur er til og með 07.10.2019
Nánari upplýsingar veitir
Anna Rós Jóhannesdóttir - [email protected] - 543 4082/ 825 3748
Þorbjörg Árnadóttir - [email protected] - 543 9514/ 824 5957
Landspítali
Félagsráðgjöf
Hringbraut
101 Reykjavík
Smelltu hér til að sækja um starfið