Sérfræðingur í landupplýsingakerfum og vefhönnun
Sérfræðingur í landupplýsingakerfum og vefhönnun
Landgræðslan er þekkingar- og þjónustustofnun. Markmið hennar eru verndun gróðurs og jarðvegs og bætt landgæði. Stofnunin starfar samkvæmt lögum um landgræðslu nr. 155/2018.
Landgræðslan auglýsir eftir sérfræðingi í landupplýsingakerfum og vefhönnun. Leitað er að fjölhæfum og lausnamiðuðum aðila til að sjá um gerð og greiningar á landfræðilegum gögnum og hafa umsjón með gagnavefsjá og vefsíðu. Starfið fellur undir svið Samskipta og áætlana.
Helstu verkefni og ábyrgð
- Greining og úrvinnsla landfræðilegra gagna og þróun nauðsynlegra tóla til slíkrar úrvinnslu, meðal annars í tengslum við loftlagsbókhald vegna landnotkunar
- Gerð stafrænna korta með landfræðilegum upplýsingum, ásamt yfirfærslu á eldri gögnum yfir á stafrænt form
- Umsjón með landfræðilegum gagnasöfnun og birting þeirra á vef stofnunarinnar
- Rasta- og myndgreiningar
- Vefhönnun og vefforritun
Hæfnikröfur
- Að minnsta kosti 5 ára reynsla af vinnu með landupplýsingakerfi og gagnaúrvinnslu
- Þekking á og reynsla í notkun forrita eins og SQL, R og Python
- Þekking og reynsla í notkun landupplýsingaforrita eins og QGIS og ArcGIS
- Þekking og reynsla í vefhönnun og vefumsjónarkerfum s.s. WordPress, HTML, CSS og JavaScript
- Menntun og eða starfsreynsla á sviði bæði náttúruvísinda og tölvunarfræði er æskileg.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Starfið hentar bæði konum og körlum. Æskilegt er að starfsmaður geti hafið störf 1. febrúar 2020.
Umsókn skal fylla út rafrænt á vef Starfatorgs eða vef Landgræðslunnar, land.is. Ferilskrá og afrit af prófskírteini skal fylgja. Öllum umsóknum verður svarað þegar ráðning liggur fyrir.
Starfshlutfall er 100%
Umsóknarfrestur er til og með 04.11.2019
Nánari upplýsingar veitir
Landgræðslan, Gunnarsholti, 851 Hellu
Árni Bragason landgræðslustjóri [email protected], s 488 3000
Þórunn Pétursdóttir sviðsstjóri [email protected] s:488 3000
Smellið hér til að sækja um starfið