Sótthreinsitæknir í skol á skurðstofu
Sótthreinsitæknir í skol á skurðstofu Landspítala
Við óskum eftir sótthreinsitækni til starfa á skurðstofur Landspítala við Hringbraut. Þar starfar um 100 manna samhentur hópur hjúkrunarfræðinga, sjúkraliða, skrifstofumanna og sérhæfðra starfsmanna. Starfið er laust frá 1. mars 2020 eða eftir nánara samkomulagi.
Skurðstofur á Hringbraut eru 13 og þjóna 6 sérgreinum og árlega eru framkvæmdar þar um 10.000 aðgerðir. Gríðarleg áhersla er lögð á öryggi sjúklinga og sýkingavarnir og er starf í skoli mikilvægur hlekkur í þeirri keðju.
Um er að ræða vaktavinnu með 8 klst. vöktum sem hefjast ýmist klukkan 08:00, 12:00 eða 14:00 og 10 klst. bakvöktum um að bil 5. hverja helgi.
Helstu verkefni og ábyrgð
» Þrif og umhirða verkfæra eftir skurðaðgerðir, ýmist á hreinu eða óhreinu skoli
» Þrif á svæfingavélum og verkfærum eftir svæfingar
» Samskipti við dauðhreinsunardeild á Tunguhálsi
» Frágangur á vörum, líni og fleiri tilfallandi verkefni
Hæfnikröfur
» Menntun sem sótthreinsitæknir
» Íslenskukunnátta, gott vald á töluðu og rituðu máli
» Faglegur metnaður
» Góð samskiptahæfni
» Sjálfstæði í vinnubrögðum
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og SFR - stéttarfélag í almannaþjónustu hafa gert.
Tekið er mið af jafnréttisstefnu Landspítala við ráðningar á spítalanum.
Umsókn fylgi náms- og starfsferilskrá. Öllum umsóknum verður svarað.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 80 - 100%
Umsóknarfrestur er til og með 07.02.2020
Nánari upplýsingar veitir
Helga Guðrún Hallgrímsdóttir - [email protected] - 824 0760
Ragnheiður Jónsdóttir - [email protected] - 543 7241/ 824 2520
Landspítali
Skurðstofur H - rekstur
Hringbraut
101 Reykjavík
Smelltu hér til að sækja um starfið