Aðjúnkt í kennslufræði grunnskóla
Aðjúnkt í kennslufræði grunnskóla
Laust er til umsóknar fullt starf aðjúnkts í kennslufræði grunnskóla við Menntavísindasvið Háskóla Íslands. Meðal viðfangsefna aðjúnktsins verða kennsla og rannsóknir á einhverjum af eftirfarandi sviðum kennslufræði: Nám og kennsla í grunnskóla, námskrárfræði og námsmat.
Starfsskyldur aðjúnkts eru kennsla, rannsóknir og stjórnun.
Helstu verkefni og ábyrgð
>>Kennsla á grunn- og meistarastigi í kennslufræði grunnskóla.
>>Leiðsögn með lokaverkefnum nemenda.
>>Rannsóknir á einhverjum ofannefndum sviðum kennslufræði grunnskóla.
>>Að taka þátt í að þróa kennsluhætti og rannsóknir í kennslufræði innan Menntavísindasviðs.
>>Að efla samstarf við starfsvettvang grunnskólakennara.
Hæfnikröfur
Umsækjendur skulu hafa lokið meistaraprófi á sviði og kennslufræði grunnskóla. Æskilegt er að umsækjandi hafi reynslu af rannsóknarsamstarfi og hafi birt rannsóknarniðurstöður með samstarfsaðilum. Einnig er mikilvægt að umsækjandi hafi starfsreynslu í grunnskóla.
Rík áhersla er lögð á að sá sem starfið hlýtur hafi góða færni í kennslu og hafi skýra framtíðarsýn um hlutverk sitt í kennslu á sviðinu. Þá er krafist góðrar samstarfshæfni og lipurðar í mannlegum samskiptum. Horft verður til þess að umsækjendur falli sem best að aðstæðum og þörfum sviðsins í heild.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Ráðið verður í starfið til tveggja ára. Gert er ráð fyrir að ofangreint starf verði veitt frá 1. Júlí 2020 eða samkvæmt nánara samkomulagi.
Umsóknum þarf að fylgja 1) greinargóð skýrsla um kennslureynslu umsækjanda og sýn hans á kennslu og kennsluþróun, 2) yfirlit yfir rannsóknir og ritsmíðar (ritaskrá) og fyrirhugaðar rannsóknir, svo og 3) yfirlit um námsferil og störf (curriculum vitae). Ennfremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á.
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.
Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.
Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang.
Starfshlutfall er 100%
Umsóknarfrestur er til og með 04.05.2020
Nánari upplýsingar veitir
Jónína Vala Kristinsdóttir - [email protected] - 5255511
Menntavísindasvið
Stakkahlíð
105 Reykjavík
Smellið hér til að sækja um starf