Kennari rafiðngreina
Framhaldsskólinn í Vestmannaeyjum leitar eftir kennara til að kenna rafiðngreinar frá 1. ágúst. Starfshlutfall er 50%.
Framhaldsskólinn í Vestmannaeyjum er skóli í Vestmannaeyjum og hefur sett sér stefnu um fjölbreytta kennsluhætti þar sem áhersla er samvinnu og á gæði náms.
Kennari rafiðngreina vinnur sjálfstætt að kennslu rafiðngreina og vinnur að umbótum í skólastarfi í samstarfi við annað starfsfólk skólans.
Helstu verkefni
Kennari rafiðngreina starfar eftir starfslýsingu kennara sem er ítarlega skilgreind í gæðahandbók á heimasíðu skólans, www.fiv.is.
Helstu verkefni eru:
• Kennsla áfanga í rafiðnaði
• Að skapa hvetjandi námsumhverfi fyrir nemendur
• Þátttaka í faglegu starfi og starfsþróun með stöðugar umbætur í skólastarfi að leiðarljósi
Menntunar- og hæfnikröfur
• Kennari rafiðngreina skal uppfylla kröfur um menntun og hæfni kennara sem kveðið er á um í lögum nr. 95/2019 og hafa leyfisbréf sem kveður á um rétt til að nota starfsheitið kennari
• Kennari rafiðngreina skal hafa lokið háskólagráðu í viðkomandi grein eða skyldum greinum og/eða meistaraprófi í rafiðngrein
• Reynsla af kennslu eða starfstengdri leiðsögn er æskileg
• Tölvufærni er nauðsynleg
• Góðir samstarfshæfileikar, rík þjónustulund og áhugi á að vinna með ungu fólki
• Faglegur metnaður, góðir skipulagshæfileikar og frumkvæði
• Geta til að vinna bæði sjálfstætt og í samstarfi við aðra
Frekari upplýsingar um starfið
Laun eru samkvæmt gildandi kjarasamningi sem ríkið hefur gert við félag framhaldsskólakennara og stofnanasamningi FÍV.
Í samræmi við jafnréttisáætlun skólans er fólk af öllum kynjum hvatt til að sækja um starfið.
Umsókn skal berast á netfang Helgu Kristínar Kolbeins, skólameistara [email protected] sem einnig veitir frekari upplýsingar um starfið.
Umsóknarfrestur er til 16. júní.
Umsóknum skal fylgja ítarleg starfsferilskrá ásamt kynningarbréfi með rökstuðningi fyrir hæfni og sýn á starfið. Einnig skulu fylgja leyfisbréf, prófskírteini og sakavottorð.
Öllum umsóknum verður svarað þegar ákvörðun hefur verið tekin um ráðningu.