Skjalastjóri við Háskólann á Akureyri
Skjalastjóri við Háskólann á Akureyri
Háskólinn á Akureyri leitar að skjalastjóra.
Skjalastjóri leiðir stefnumótun er varðar stjórnun, meðferð og hagnýtingu gagna hjá Háskólanum á Akureyri. Skjalastjóri tryggir skilvirka stjórnun upplýsinga, vinnslu þeirra, miðlun og vörslu til hagræðingar fyrir starfsemi skólans og eflir hagnýtingu upplýsinga- og miðlunarkerfa. Skjalastjóri ber ábyrgð á skjalasafni háskólans. Skjalastjóri tilheyrir teymi sérfræðinga á rektorsskrifstofu Háskólans á Akureyri og er skrifstofustjóri rektorsskrifstofu næsti yfirmaður viðkomandi. Starfsstöðin er á háskólasvæðinu á Akureyri.
Helstu verkefni og ábyrgð
- Leiðir stefnumótun á sviði upplýsinga- og skjalastjórnar.
- Ber ábyrgð á að stefnur og aðgerðir er varða upplýsinga- og skjalastjórn samræmist innlendum og alþjóðlegum stöðlum og þeim lögum og reglugerðum er varða Háskólann á Akureyri, þ.m.t. lögum um Persónuvernd og vinnslu persónuupplýsinga nr. 90/2018.
- Ber ábyrgð á flokkun, vistun, tiltækileika og aðgengi upplýsinga og gagna sem tilheyra starfsemi Háskólans á Akureyri, óháð formi.
- Þróar og innleiðir verklag til hagnýtingar upplýsinga og gagna í eigu Háskólans á Akureyri með skilvirkni, öryggi og þægindi að leiðarljósi.
- Ber ábyrgð á rafrænu málakerfi og málalykli Háskólans og leiðbeiningu og fræðslu starfsfólks því tengdu.
- Ber ábyrgð á gerð skjalavistunaráætlunar.
- Ber ábyrgð á skilum á gögnum til Þjóðskjalasafns.
- Sinnir fræðslu um upplýsinga- og skjalastjórn innan Háskólans.
Hæfnikröfur
- Háskólapróf á meistarastigi sem nýtist í starfi er skilyrði. Framhaldsnám í upplýsingafræði eða sambærilegt er æskilegt.
- Yfirgripsmikil reynsla af stjórnun verkefna á sviði upplýsinga- og skjalastjórnar, þ.m.t. stefnumótun, þarfagreiningu, innleiðingu og eftirfylgni upplýsingakerfa.
- Reynsla af stjórnun og innleiðingu rafrænna skjalavistunarkerfa
- Þekking á íslensku háskólaumhverfi ásamt opinberri stjórnsýslu er æskileg.
- Sjálfstæð vinnubrögð, skipulagshæfni, frumkvæði og framsýni í verki og metnaður til að ná árangri.
- Afbragðs samstarfshæfni og lipurð í mannlegum samskiptum er nauðsynleg.
- Mikil hæfni til að tjá sig í ræðu og riti á íslensku og ensku.
Umsókn skal fylgja:
- Greinargott yfirlit yfir náms- og starfsferil.
- Staðfest afrit af viðeigandi prófskírteinum.
- Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
- Tilnefna skal a.m.k. tvo meðmælendur og er æskilegt að annar þeirra sé næsti yfirmaður í núverandi eða fyrra starfi umsækjanda.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Meðferð umsókna, mat á hæfi umsækjenda og ráðning í starfið er í samræmi við ákvæði laga um opinbera háskóla nr. 85/2008 og reglur nr. 387/2009 fyrir Háskólann á Akureyri. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í sex mánuði eftir að umsóknarfresti lýkur. Háskólinn á Akureyri áskilur sér rétt til að hafna öllum umsóknum.
Háskólinn á Akureyri var stofnaður árið 1987 og stunda nú um 2600 nemendur nám við skólann.
Háskólinn á Akureyri stuðlar að jafnrétti kynjanna og hvetur konur jafnt sem karla til að sækja um laus störf.
Starfshlutfall er 100%
Umsóknarfrestur er til og með 14.10.2020
Nánari upplýsingar veitir
Martha Lilja Olsen - [email protected], skrifstofustjóri rektorsskrifstofu - 4608004
Háskólinn á Akureyri
Rektorsskrifstofa
v/Norðurslóð
600 Akureyri
Smellið hér til að sækja um starf