Aðstoðaryfirsjúkraþjálfari við Sjúkraþjálfun Landspítala
Aðstoðaryfirsjúkraþjálfari við Sjúkraþjálfun Landspítala
Landspítali leitar eftir kraftmiklum og skipulögðum sjúkraþjálfara í starf aðstoðaryfirsjúkraþjálfara. Starfið felur í sér skipulag og stjórnun fjölbreyttrar starfsemi sjúkraþjálfunar Landspítala í Fossvogi í nánu samstarfi og umboði yfirsjúkraþjálfara Landspítala auk klínískra starfa. Viðkomandi þarf að hafa afburða samskipta- og leiðtogahæfni og eiga auðvelt með að vinna í teymi. Starfshlutfall er 100% og er starfið laust frá 1. nóvember 2020 eða samkvæmt samkomulagi.
Sjúkraþjálfun í Fossvogi sinnir bráðadeildum og ákveðnum göngudeildum Landspítala í Fossvogi. Þar starfa um 30 manns og er lögð áhersla á náið samstarf fagstétta og á teymisvinnu. Lögð er rík áhersla á að taka vel á móti nýjum starfsmönnum.
Helstu verkefni og ábyrgð
» Starfsmannamál og rekstur í umboði yfirsjúkraþjálfara Landspítala
» Skipuleggur sjúkraþjálfun á starfsstöð í samræmi við stefnu, gildi og markmið Landspítala
» Hvetur til rannsókna og vísindastarfs í sjúkraþjálfun í samráði við yfirsjúkraþjálfara Landspítala
» Er yfirsjúkraþjálfara Landspítala til ráðgjafar/ aðstoðar í stefnumótun, faglegri þróun og gæðastarfi í sjúkraþjálfun á Landspítala
» Sinnir klínískum störfum
Hæfnikröfur
» Íslenskt starfsleyfi sem sjúkraþjálfari
» Framúrskarandi hæfni í mannlegum samskiptum
» Áhugi og reynsla af stjórnun, umbóta- og gæðastarfi
» Viðbótarnám sem nýtist í starfi æskilegt
» Leiðtogahæfni og metnaður til að ná árangri
» Jákvætt viðmót , frumkvæði og drifkraftur
» Góð íslenskukunnátta
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Tekið er mið af jafnréttisstefnu LSH við ráðningar á spítalanum.
Umsókn fylgi náms- og starfsferilskrá ásamt afriti af prófskírteinum og starfsleyfi. Við hvetjum karla jafnt sem konur til að sækja um starfið. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 100%
Umsóknarfrestur er til og með 05.10.2020
Nánari upplýsingar veitir
Ragnheiður S Einarsdóttir - [email protected] - 543 9306
Landspítali
Sjúkraþjálfun
Hringbraut
101 Reykjavík
Smellið hér til að sækja um starf