Lektor í kennimannlegri guðfræði, Hugvísindasvið Háskóla Íslands

Lektor í kennimannlegri guðfræði, Hugvísindasvið Háskóla Íslands

Laust er til umsóknar starf lektors í kennimannlegri guðfræði við Guðfræði- og trúarbragðafræðideild við Hugvísindasvið Háskóla Íslands. 

Helstu verkefni og ábyrgð
Lektornum er ætlað að sinna kennslu og rannsóknum í kennimannlegri guðfræði. Starfinu fylgir enn fremur stjórnunar- og skipulagsvinna á vettvangi greinar og deildar.

Hæfnikröfur
>>Doktorspróf í guðfræði. 
>>Æskilegt er að umsækjendur búi yfir kennslureynslu á háskólastigi. 
>>Kunnátta og reynsla til að sinna kennslu á sem flestum sviðum kennimannlegrar guðfræði. 
>>Reynsla af starfi prests er æskileg. 
>>Áhersla er lögð á að viðkomandi sé virkur rannsakandi og hafi víðtæka þekkingu á nýjustu, alþjóðlegu rannsóknum á sviði kennimannlegrar guðfræði. 
>>Samstarfs- og samskiptahæfni. 
>>Góð kunnátta í íslensku er skilyrði.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Horft verður til þess að sérsvið og reynsla umsækjenda falli sem best að kennslu- og rannsóknaþörfum deildarinnar. Ráðið verður í starfið frá 1. janúar 2021 og til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Umsókninni skal fylgja kynningarbréf, ferilskrá (CV) og ritaskrá ásamt stuttum greinargerðum um rannsóknaáform og eigin sýn á kennslu og kennsluhætti. Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á.

Umsókn og umsóknargögn sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að 6 mánuði frá lokum umsóknarfrests.

Innan Háskólans eru fimm fræðasvið og deildir skólans eru 25 talsins. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. Jafnframt er Háskóli Íslands öflugur rannsóknaháskóli á alþjóðlega vísu og hafa vísindamenn Háskólans hlotið fjölmargar alþjóðlegar viðurkenningar fyrir vísindastörf sín.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Starfshlutfall er 100%
Umsóknarfrestur er til og með 10.08.2020

Nánari upplýsingar veitir
Sólveig Anna Bóasdóttir - [email protected] - 5254089
Guðmundur Hálfdánarson - [email protected]

Háskóli Íslands
Guðfræði- og trúarbragðafræðideild
v/Suðurgötu
101 Reykjavík

Smellið hér til að sækja um starf