Verkefnisstjóri á Miðstöð framhaldsnáms
Verkefnisstjóri á Miðstöð framhaldsnáms Háskóla Íslands
Laust er til umsóknar fullt starf verkefnisstjóra hjá Miðstöð framhaldsnáms Háskóla Íslands.
Miðstöð framhaldsnáms hefur umsjón með og fylgir eftir settum viðmiðum og kröfum um gæði meistara- og doktorsnáms við Háskóla Íslands í þeim tilgangi að stuðla að kröftugu vísindastarfi sem stenst alþjóðlegan samanburð og samkeppni. Náið samstarf er við fræðasvið, deildir, gæðanefnd háskólaráðs, vísindanefnd háskólaráðs og sameiginlega stjórnsýslu.
Helstu verkefni og ábyrgð
Verkefnisstjóri vinnur að því að efla framhaldsnám við Háskóla Íslands, einkum doktorsnám og stuðla að jákvæðri upplifun nemenda og skilvirkni námsins. Hlutverk verkefnisstjóra er m.a. að halda utan um gögn og viðfangsefni er tengjast viðmiðum og kröfum um gæði framhaldsnáms og eftirlit með þeim, hvetja til námskeiða fyrir framhaldsnema og að veita nemendum, kennurum, deildum, fræðasviðum og yfirstjórn háskólans þjónustu og ráðgjöf. Eftir atvikum annast verkefnisstjóri einnig ýmis samskipti háskólans við innlenda og erlenda samstarfsaðila vegna framhaldsnáms, kennslu og rannsókna sem slíku samstarfi tengist. Um er að ræða fjölbreytt og spennandi starf.
Hæfnikröfur
>> Doktorspróf
>> Þekking á uppbyggingu náms á meistara- og doktorsstigi við Háskóla Íslands eða sambærilega háskóla erlendis
>> Reynsla af alþjóðlegu samstarfi
>> Frumkvæði, skipulagshæfni og sjálfstæð vinnubrögð
>> Góð samstarfshæfni og lipurð í mannlegum samskiptum
>> Mjög góð íslensku- og enskukunnátta í ræðu og riti
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Æskilegt er að umsækjandi geti hafið störf sem fyrst.
Eftirfarandi gögn skulu fylgja umsókn:
>> Ferilskrá
>> Bréf þar sem áhuga á star¿nu er lýst og fjallað um hvað umsækjandi telur sig geta lagt af mörkum til þess.
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.
Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2
Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands
Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum.
Starfshlutfall er 100%
Umsóknarfrestur er til og með 31.05.2019
Nánari upplýsingar veitir
Guðlaug Þóra Kristjánsdóttir - [email protected] - 525 4090
Háskóli Íslands
Miðstöð framhaldsnáms
v/Suðurgötu
101 Reykjavík
Smelltu hér til að sækja um starfið