Ráðgjafi
Ráðgjafi
Laust er til umsóknar 100% starf ráðgjafa hjá Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnaskerðingu (ÞÞM).
Ráðgjafinn mun starfa á fagsviði tölvu- og tækniráðgjafar auk þess að sinna umferli og punktaleturkennslu.
Helstu verkefni ÞÞM er að auka möguleika þeirra sem eru blindir, sjónskertir eða með samþætta sjón- og heyrnarskerðingu, til virkni og þátttöku á öllum sviðum samfélagsins til jafns við aðra, með áherslu á stuðning til náms, sjálfstæðs heimilishalds, virkra tómstunda og atvinnuþátttöku.
Meðal helstu verkefna ráðgjafans:
Halda námskeið í punktaletri, kenna umferli og kenna á hugbúnað fyrir blinda og sjónskerta
Annast uppsetningu tölvutengdra hjálpartækja fyrir blinda og sjónskerta einstaklinga.
Aðstoða við uppsetningu og kennslu á öðrum tækjum og búnaði sem ÞÞM úthlutar.
Þátttaka í rannsóknarvinnu og þróun nýjunga á ofangreindu sviði ásamt umbótaverkefnum.
Hæfniskröfur:
Menntun og reynsla þegar kemur að málefnum blindra og sjónskerta.
Reynsla og þekking á sviði tölvu- og tæknimála er nauðsynleg.
Jákvætt viðmót og hæfni í mannlegum samskiptum.
Skipulagshæfileikar, sjálfstæði, sveigjanleiki og frumkvæði í starfi.
Góð kunnátta í íslensku og ensku svo og kunnátta í einu Norðurlandamáli.
Kunnátta í punktaletri er æskileg.
Frekari upplýsingar um starfið:
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Mat á hæfni umsækjenda byggist á innsendum gögnum og viðtölum við umsækjendur.
Umsóknarfrestur er til og með 5. desember 2018.
Umsóknir skulu sendar rafrænt á netfangið [email protected]
Öllum umsóknum verður svarað þegar ákvörðun um ráðstöfun starfsins liggur fyrir.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Nánari upplýsingar veitir Margrét María Sigurðardóttir í síma 545 5800.
Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnaskerðingu, Hamrahlíð 17, 105 Reykjavík