Framhaldsskólakennari í eðlis- og stærðfræði

 

Framhaldsskólakennari í eðlis- og stærðfræði - Menntaskólinn á Ísafirði 

Menntaskólann á Ísafirði óskar eftir að ráða kennara í heila stöðu til afleysingar í eðlis- og stærðfræði frá 1. ágúst 2019 til 31. desember 2019. Umsækjendur skulu hafa lokið háskólanámi í kennslugrein eða skyldum greinum, og námi til kennsluréttinda á framhaldsskólastigi (sbr. lög nr. 87/2008).

Sóst er eftir framhaldsskólakennara sem hefur til að bera góða samskipta- og skipulagshæfni, þjónustulund, frumkvæði, sjálfstæði í vinnubrögðum, áhuga á að vinna með ungu fólki og taka þátt í þróunarstarfi í kennsluháttum og námsmati og þverfaglegu samstarfi. 

Ráðið verður í stöðuna frá 1. ágúst 2019. Laun eru samkvæmt kjarasamningum ríkissjóðs og KÍ skv. nánari útfærslu í stofnanasamningi MÍ. Í anda jafnréttisstefnu MÍ er hvatt til þess að konur jafnt sem karlar sæki um stöður við skólann. 

Umsóknarfrestur er til 18. júní 2019.  Ekki þarf að sækja um á sérstökum umsóknareyðu-blöðum en í umsókn þarf að greina frá menntun (og staðfesta með ljósriti af prófskírteinum), fyrri störfum og öðru því sem umsækjandi telur að máli skipti. Tekið skal fram að skv. 4. mgr. 8. gr. laga um framhaldsskóla nr. 92/2008 er óheimilt að ráða einstakling til starfa við framhaldsskóla sem hlotið hefur refsidóm fyrir brot á ákvæðum XXII. kafla almennra hegningarlaga. Umsóknir skulu berast til skólameistara á netfangið [email protected] fyrir þann tíma.

Nánari upplýsingar veitir Jón Reynir Sigurvinsson skólameistari í tölvupósti ([email protected]) og í síma 896-4636 eða 450-4400. Öllum umsóknum verður svarað þegar ákvörðun hefur verið tekin um ráðningu.

Skólameistari