Sérfræðingur fiskeldis
Sérfræðingur fiskeldis
Matvælastofnun óskar eftir að ráða háskólamenntaðan einstakling með fagþekkingu á fiskeldi í 100% starf sérfræðings með aðsetur á aðalskrifstofu stofnunarinnar á Selfossi. Æskilegt er að viðkomandi geti hafið störf sem fyrst.
Helstu verkefni
• Eftirlit með búnaði og rekstri fiskeldisstöðva
• Þróun eftirlitsaðferða
• Þróun og uppsetning gæðaskjala
• Útgáfa rekstrarleyfa
• Úrlausn fyrirspurna
Hæfnikröfur
• Háskólamenntun í sjávarútvegsfræði, líffræði, umhverfisverkfræði eða skyldum greinum
• Fagþekking og/eða reynsla af fiskeldi
• Þekking á opinberri stjórnsýslu er æskileg
• Góð færni til tjáningar í ræðu og riti á íslensku og ensku
• Góð almenn tölvukunnátta
• Færni í mannlegum samskiptum
• Nákvæmni, frumkvæði, fagleg vinnubrögð og sjálfstæði í starfi
Nánari upplýsingar um starfið
Sótt er um starfið í þjónustugátt á vef Matvælastofnunar www.mast.is og skal starfsferilskrá, prófskírteini og kynningarbréf fylgja umsókn.
Umsóknarfrestur er til og með 3. des. n.k.
Nánari upplýsingar um starfið veitir Dóra S. Gunnarsdóttir forstöðumaður, [email protected] í síma 530 4800.
Öllum umsóknum verður svarað þegar ráðning liggur fyrir. Vakin er athygli á því að umsóknir gilda í 6 mánuði nema umsækjandi ákveði annað. Launakjör eru samkvæmt gildandi kjarasamningi fjármálaráðherra og stéttarfélags viðkomandi. Nánari upplýsingar um stofnunina er að finna á www.mast.is.