Lögreglumenn
Lögreglumaður – almenn löggæsla – Selfoss – Hvolsvöllur – Höfn
Vegna fjölgunar lögreglumanna hjá Lögreglustjóranum á Suðurlandi eru lausar til umsóknar 12 stöður lögreglumanna með starfsstöðvar á Selfossi, Hvolsvelli og Höfn.
Selfoss
7 stöður lögreglumanna á vöktum
Gert er ráð fyrir því að lögreglustjóri ráði í stöðurnar frá og með 1. maí nk.
Hvolsvöllur
1 föst staða lögreglumanns á vöktum og 2 tímabundnar á vöktum til 1 árs með möguleika á skipun í framhaldi. Um bakvaktir er að ræða og því er skilyrði fyrir aðsetri á Hvolsvelli á vaktatörn.
Gert er ráð fyrir því að ráðið verði í stöðurnar frá og með 1. mars nk.
Höfn
1 föst staða lögreglumanns á vöktum og 1 tímabundin á vöktum til 1 árs. Um bakvaktir er að ræða og því skilyrði fyrir aðsetri á Höfn á vaktatörn.
Gert er ráð fyrir því að ráðið verði í stöðurnar frá og með 1. mars nk.
Umsóknarfrestur er til og með 31. janúar nk. og skal umsóknum skilað til Lögreglustjórans á Suðurlandi, Hlíðarvegi 16, 860 Hvolsvöllur eða sendar á netfangið [email protected]
Ráðningarkjör eru skv. kjarasamningi fjármálaráðherra f.h. ríkissjóðs og Landsambands lögreglumanna. Starfshlutfall er 100%. Um vaktavinnu er að ræða og bakvaktir á Hvolsvelli og Höfn, þannig að aðsetur á hvorum stað á meðan vaktatörn stendur er skilyrði.
Umsækjendur skulu hafa lokið prófi frá Lögregluskóla ríkisins eða Háskólanum á Akureyri. Góð þekking á lögreglukerfinu (LÖKE) er mikilvæg. Færni í mannlegum samskiptum, góðir skipulagshæfileikar, frumkvæði, nákvæmni í vinnubrögðum og hæfni til að starfa í hóp eru nauðsynlegir eiginleikar. Góð staðarþekking er kostur.
Nánari upplýsingar veitir Sveinn Kristján Rúnarsson, yfirlögregluþjónn, í síma 444 2000
Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun liggur fyrir. Umsóknum skal skilað á sérstökum eyðublöðum sem fást hjá öllum lögreglustjórum. Einnig er hægt að nálgast þau á lögregluvefnum, www.logreglan.is undir liðnum eyðublöð.
Lögreglustjórinn á Suðurlandi
Kjartan Þorkelsson