Lífeindafræðingar á rannsóknakjarna Landspítala
Lífeindafræðingar á rannsóknakjarna Landspítala
Ertu hugmyndaríkur og tilbúinn að takast á við krefjandi verkefni í öflugu teymi?
Við auglýsum eftir öflugum liðsmönnum í okkar frábæra teymi á rannsóknarkjarna Landspítala. Deildin sinnir verkefnum á sviði klínískrar lífefnafræði og blóðmeinafræði. Veitt er sólarhringsþjónusta bæði í Fossvogi og við Hringbraut. Um er að ræða 5 stöðugildi og er starfshlutfall samkomulag. Unnið er eftir óskavaktakerfi á dag, kvöld og næturvöktum og þriðju hverja helgi.
Við leitum eftir lífeindafræðingum sem búa yfir þekkingu og reynslu en fögnum einnig nýlega útskrifuðum og bjóðum þá velkomna í hópinn. Störfin eru laus frá 1. ágúst 2020.
Helstu verkefni og ábyrgð
» Meðhöndlun og úrvinnsla sýna sem berast til rannsókna
» Upplýsingagjöf, kennsla og þjálfun
» Sýnatökur á legu- og göngudeildum Landspítala
» Virk þátttaka í gæðastarfi
» Vinna við upplýsingakerfi deildarinnar
» Þátttaka í umbótavinnu
Hæfnikröfur
» Starfsleyfi lífeindafræðings
» Mjög gott vald á íslensku máli
» Nákvæmni, fagmennska og sjálfstæð vinnubrögð
» Góð samskiptahæfni og fagleg framkoma
» Hæfni og geta til að starfa í teymi
» Frumkvæði, yfirsýn og skipulagsfærni
» Tölvufærni er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag lífeindafræðinga hafa gert.
Tekið er mið af jafnréttisstefnu Landspítala við ráðningar á spítalanum.
Umsókn fylgi náms- og starfsferilskrá. Ákvörðun um ráðningu byggist á innsendum gögnum og viðtölum. Öllum umsóknum verður svarað.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Starfshlutfall er 80 - 100%
Umsóknarfrestur er til og með 20.07.2020
Nánari upplýsingar veitir
Gyða Hrönn Einarsdóttir - [email protected] - 824 4626
Landspítali
Rannsóknakjarni
Hringbraut
101 Reykjavík
Smellið hér til að sækja um starf