Forseti Hugvísindasviðs - Umsóknarfrestur framlengdur til 30. september
Háskóli Íslands leitar að öflugum leiðtoga fyrir Hugvísindasvið sem er eitt af fimm fræðasviðum háskólans. Forseti Hugvísindasviðs starfar í umboði rektors. Hann er æðsti yfirmaður og akademískur leiðtogi fræðasviðsins og stjórnar daglegri starfsemi þess. Með forseta fræðasviðs starfar öflugt teymi stjórnenda og sérfræðinga.
Helstu verkefni og ábyrgð
Forseti fræðasviðs ber m.a. ábyrgð á:
>>Útfærslu og framkvæmd stefnu Háskóla Íslands
á vettvangi fræðasviðs
>>Fjármálum og rekstri fræðasviðs og stofnana
sem undir það heyra
>>Gæðum kennslu, rannsókna og þjónustu
>>Starfsmannamálum
>>Öflugri liðsheild og faglegu samstarfi
>>Tengslum við innlenda og erlenda samstarfsaðila
>>Stjórnsýslu og stoðþjónustu fræðasviðsins
Hæfnikröfur
Umsækjendur skulu hafa:
>>Akademískt hæfi sem og þekkingu og reynslu
á háskóla- og/eða rannsóknaumhverfi
>>Leiðtogahæfileika
>>Metnaðarfulla og skýra framtíðarsýn
>>Ríka samskiptahæfni
>>Farsæla reynslu af stjórnun og stefnumótun
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Ráðið verður í starfið til fimm ára og er áætlað að ráða í starfið frá 1. janúar 2021. Á grundvelli laga nr. 85/2008 um opinbera háskóla og reglur sem háskólaráð hefur sett getur rektor ákveðið að framlengja ráðningu forseta fræðasviðs til fimm ára í senn. Forseti fræðasviðs er ráðinn af rektor að fenginni umsögn sérstakrar nefndar um ráðninguna.
Með umsókn þarf að fylgja greinargerð um framtíðarsýn umsækjanda og hvernig hann hyggst vinna samkvæmt stefnu Háskóla Íslands 2016-2021.
Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verið tekin.
Við ráðningu í störf við Háskóla Íslands er tekið mið af jafnréttisáætlun skólans, sjá her: http://www.hi.is/haskolinn/jafnrettisaaetlun#markmid2.
Vakin er athygli á málstefnu Háskóla Íslands, sjá her: https://www.hi.is/haskolinn/malstefna_haskola_islands.
Starfshlutfall er 100%
Umsóknarfrestur er til og með 30.09.2020
Nánari upplýsingar veitir
Ragnhildur Ísaksdóttir - [email protected] - 525 4355
Háskóli Íslands
Hugvísindasvið stjórnsýsla
v/Suðurgötu
101 Reykjavík
Smelltu hér til að sækja um starfið