Sérfræðingur í markaðsviðskipti

 
Sérfræðingur í markaðsviðskipti

Seðlabanki Íslands óskar eftir að ráða sérfræðing á sviði markaðsviðskipta og fjárstýringar, í markaðsviðskiptum. Um er að ræða 100% starfshlutfall með starfsstöð í Reykjavík.

Markaðsviðskipt og fjárstýring hefur umsjón með innlendum peninga- og gjaldeyrismarkaði og annast viðskipti við innlendar fjármálastofnanir. Sviðið sér um vörslu og ávöxtun gjaldeyrisforða ásamt umsjón með lánamálum ríkissjóðs, Ríkisábyrgðasjóði og endurlánum ríkissjóðs. Sviðið sér einnig um þau samskipti við erlendar fjármálastofnanir sem snúa að viðskiptum Seðlabankans og ríkissjóðs. Sviðið skiptist í þrjár starfseiningar: markaðsviðskipti, lánamál og fjárstýringu.

Helstu verkefni og ábyrgð
-Lausafjárstýring og viðskipti bankans við fjármálafyrirtæki
-Vöktun greiðslukerfa og verkefna sem tengjast þeim
-Samskipti við fjármálafyrirtæki
-Greiningarvinna
-Eftirlit og viðskipti á innlendum gjaldeyris- og krónumarkaði 
-Þátttaka í öðrum verkefnum og stefnumótun

Hæfnikröfur
-Meistaragráða í viðskiptafræði
-Reynsla af starfi í fjármálafyrirtæki ásamt haldgóðri þekkingu á fjármálamörkuðum og reynsla af að vinnu á Bloomberg og Refinitiv
-Þekking á WallStreet suite viðskiptakerfi 
-Þekking á stórgreiðslu og jöfnunarkerfum
-Mjög gott vald á Excel og ýmiss konar greiningarvinnu
-Grunnþekking í verkefnastjórnun
-Ágætt vald á íslensku og ensku, bæði á töluðu og rituðu máli
-Hæfni til að starfa sjálfstætt og í hópi
-Frumkvæði, nákvæmni í vinnubrögðum og metnaður í starfi
-Jákvæðni og góðir samskiptahæfileikar

Frekari upplýsingar um starfið
Sótt er um starfið á heimasíðu Seðlabanka Íslands, www.sedlabanki.is en umsóknarfrestur er til og með 25. mars 2019. Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin.

Starfshlutfall er 100%
Umsóknarfrestur er til og með 25.03.2019

Nánari upplýsingar veitir
Gerður Ísberg, aðstoðarframkvæmdastjóri markaðsviðskipta og fjárstýringar, netfang: [email protected] og Íris Guðrún Ragnarsdóttir, mannauðsstjóri, netfang: [email protected].

Smelltu hér til að sækja um starfið