Sérfræðingur á skrifstofu sjávarútvegs og fiskeldis
Sérfræðingur á skrifstofu sjávarútvegs og fiskeldis
Atvinnuvega- og nýsköpunarráðuneyti óskar eftir að ráða sérfræðing til starfa á skrifstofu sjávarútvegs- og fiskeldis. Meginhlutverk skrifstofunnar er að skapa sjávarútvegi og fiskeldi ásamt veiði í ám og vötnum hagkvæma og skilvirka umgjörð, skýrar leikreglur og vinna að stefnumótun á þeim sviðum.
Helstu verkefni og ábyrgð:
• Fjölbreytt og krefjandi verkefni á sviði sjávarútvegs og fiskeldis.
• Greiningar og hagtölur.
• Umsjón með sértækum verkefnum.
• Samstarf og samvinna við stofnanir ráðuneytisins og Alþingi.
• Þátttaka í vinnuhópum og nefndum.
Menntunar- og hæfniskröfur:
• Háskólamenntun sem nýtist í starfi til dæmis á sviði hagfræði, verkfræði eða sambærileg menntun, framhaldsmenntun eða sambærileg reynsla sem nýtist í starfi æskileg.
• Reynsla af greiningarvinnu sem nýtist í starfi.
• Greinandi, gagnrýnin og lausnamiðuð hugsun.
• Frumkvæði og geta til að starfa sjálfstætt, sem og í hóp.
• Góð hæfni í samskiptum og skipulagshæfileikar.
• Þekking á sjávarútvegi og/eða fiskeldi kostur.
• Góð íslenskukunnátta og hæfni í framsetningu upplýsinga.
Frekari upplýsingar um starfið
Laun greiðast samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert. Um er að ræða fullt starf á krefjandi og góðum vinnustað þar sem reynir á vönduð vinnubrögð, ábyrgð og sjálfstæði. Á skrifstofu sjávarútvegs- og fiskeldis eru 10 starfsmenn en 65 starfsmenn eru í ráðuneytinu.
Æskilegt er að umsækjandi geti hafið störf sem fyrst. Umsókn skal fylgja starfsferilskrá og kynningarbréf þar sem umsækjandi gerir grein fyrir ástæðu umsóknar og hæfni viðkomandi til að gegna starfinu. Umsóknir skulu sendar til atvinnuvega- og nýsköpunarráðuneytisins, Skúlagötu 4, 101 Reykjavík eða á netfangið [email protected]. Öllum umsóknum verður svarað þegar ákvörðun um ráðningu liggur fyrir. Áhugasamir einstaklingar, án tillits til kyns, eru hvattir til að sækja um. Umsóknir geta gilt í sex mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum, með síðari breytingum.
Umsóknarfrestur er til og með 28. janúar n.k.
Nánari upplýsingar veitir Jóhann Guðmundsson, skrifstofustjóri, [email protected]