Deildarstjóri launadeildar

Deildarstjóri launadeildar Háskóla Íslands

Háskóli Íslands auglýsir eftir deildarstjóra í launadeild. Um framtíðarstarf er að ræða. 

Launadeild Háskóla Íslands er þjónustueining á fjármálasviði sem sér um launaafgreiðslu starfsmanna Háskólans, gerð ráðningasamninga, heldur utan um viðverukerfi starfsmanna, útreikninga á orlofsskuldbindingu og þróar notkun HR hluta Oracle sem er fjárhagslegt upplýsingakerfi skólans. Hlutverk launadeildar er einnig að veita upplýsingar um kjarasamningstengd atriði í rekstri skólans. Þjónusta launadeildar lýtur að þeim verkþáttum er snúa að afgreiðslu launa og annarra kjarasamningsbundinna greiðslna. Í deildinni starfa sex starfsmenn auk deildarstjóra.

Launadeild ber ábyrgð á miðlægri launavinnslu fyrir um 4000 starfsmenn á ársgrundvelli í nánu samstarfi við mannauðssvið og miðlæga stjórnsýslu Háskóla Íslands. Þá veitir launadeild upplýsingar og þjónustu til starfsmanna og stjórnenda um laun, ávinnslu og úttekt leyfa, starfsvottorð og fleira, auk þess að annast samskipti við ytri hagsmunaaðila, s.s. lífeyrissjóði og aðrar stofnanir.
Unnið er í Oracle fjárhags- og mannauðskerfi ríkisins og Vinnustund. Áhersla er lögð á góða þjónustu, s.s. þróun ferla og nýtingu upplýsingakerfa.

Helstu verkefni og ábyrgð
>> Stjórnun og daglegur rekstur launadeildar
>> Framkvæmd launagreiðslna í samræmi við kjara- og stofnanasamninga
>> Halda utan um framgang akademískra starfsmanna
>> Halda utan um starfslok vegna aldurs
>> Útreikningar á uppgjöri launa í tengslum við erlenda styrki
>> Halda utan um viðverukerfi starfsmanna
>> Fylgja eftir verklagi innan deildar í takt við þróun á vinnslukerfum
>> Þátttaka í teymisvinnu
>> Tengiliður við hagsmunaðila
>> Önnur tilfallandi verkefni

Hæfnikröfur
>> Háskólapróf er nýtist í starfi 
>> Reynsla af mannaforráðum og stjórnun
>> Góð þekking og reynsla af launavinnslu ásamt góðri þekkingu á Excel
>> Góð þekking á kjara- og stofnanasamningum 
>> Góð enskukunnátta
>> Reynsla af vinnu í HR hluta Oracle er kostur
>> Frumkvæði og sjálfstæði í starfi auk samskiptahæfni 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Um er að ræða fullt starf og er æskilegt að viðkomandi geti hafið störf sem fyrst.

Eftirfarandi gögn skulu fylgja umsókn:
I. Ferilskrá
II. Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
III. Staðfest afrit af prófskírteinum
IV. Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningar í störf við Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Starfshlutfall er 100%
Umsóknarfrestur er til og með 28.01.2019

Nánari upplýsingar veitir
Jenný Bára Jensdóttir - [email protected] - 525 4094

HÍ Launadeild
v/Suðurgötu
101 Reykjavík

Smelltu hér til að sækja um starfið