Sérfræðingur á sviði fjármála og rekstrar
Dómsmálaráðuneytið óskar eftir að ráða sérfræðing á sviði fjármála og rekstrar á skrifstofu stefnumörkunar og fjárlaga. Umsóknarfrestur er til 4. september næstkomandi.
Í auglýsingu kemur fram að leitað sé eftir einstaklingi sem hefur áhuga á að taka þátt í mótun nýrra vinnubragða með hópi áhugasamra starfsmanna við uppbyggingu nýs ráðuneytis.
Helstu verkefni:
- Rekstrarúttektir og greiningar
- Eftirlit með framkvæmd fjárlaga
- Samstarf og samvinna við stofnanir ráðuneytisins
- Stefnumótun og eftirfylgni stefna
- Árangursmælingar og skýrslugerð
- Samþætting opinberra stefna
Menntunar- og hæfniskröfur
- Háskólamenntun á sviði viðskipta, hagfræði eða sambærileg menntun
- Framhaldsmenntun eða sambærileg reynsla sem nýtist í starfi
- Mjög góð kunnátta í excel
- Reynsla af stefnumótun, rekstri og vinnu með fjárhagsupplýsingar æskileg
- Reynsla af upplýsingakerfi Oracle er kostur
- Reynsla af verkefnastjórnun er kostur
- Góð íslenskukunnátta og hæfni í framsetningu upplýsinga
- Frumkvæði og geta til að starfa sjálfstætt, sem og í hóp
- Góð hæfni í samskiptum, árangursdrifni og skipulagshæfileikar
Nánari upplýsingar veitir Guðný E. Ingadóttir, mannauðsstjóri, í síma 545 9000.
Öllum umsóknum verður svarað þegar ákvörðun um ráðningu liggur fyrir. Umsóknarfrestur er til 4. september nk. Umsóknum skal skila rafrænt á netfangið [email protected] merkt sérfræðingur.
Umsókn skal fylgja starfsferilskrá og kynningarbréf þar sem umsækjandi gerir grein fyrir ástæðu umsóknar og hæfni viðkomandi til að gegna starfinu
Athygli er vakin á því að umsóknir munu gilda í 6 mánuði frá því að umsóknarfrestur rennur út. Um fullt starf er að ræða. Laun greiðast samkvæmt kjarasamningi Félags háskólamenntaðra starfsmanna Stjórnarráðsins og fjármálaráðherra.