Nýdoktor á sviði hug- eða félagsvísinda
Rannsóknasetrið EDDA við Háskóla Íslands auglýsir eftir nýdoktor á sviði hug- eða félagsvísinda í tengslum við þátttöku þess í öndvegisverkefninu „Reimagining Norden in an Evolving World“ (ReNEW).
Starfsvið
Verkefnið skal fjalla um efni sem tengist kynbundnu ofbeldi og stjórnmála- og lagamenningu á Norðurlöndum og falla undir rannsóknaáherslur EDDU (https://edda.hi.is/) og ReNew. Markmiðið er að auka skilning á Norðurlöndunum í alþjóðasamhengi með því að skírskota til samtímans og/eða sögulegra þátta. Styrkþegar ReNEW skulu dveljast um tíma við rannsóknir við einn eða fleiri þeirra háskóla sem eiga aðild að öndvegisverkefninu og sækja fundi og námskeið á vegum þess. Sjá nánar um ReNew hér: https://www.helsinki.fi/en/researchgroups/reimagining-norden-in-an-evolving-world
Hæfniviðmið
Umsækjendur skulu hafa lokið doktorsnámi eða vera á lokastigum doktorsnáms sem tengist verkefninu með beinum hætti.
Hvernig sækja á um
Styrkurinn eru til eins árs með möguleika á framlengingu til tveggja ára eftir árangursmat. Vinna við verkefnið hefst eftir samkomulagi.
Sótt er um starfið á vefsíðu Háskóla Íslands undir laus störf.
Frekari upplýsingar sem umsækjendur þurfa að láta fylgja umsókn, m.a. um hugmyndir sínar um verkefnið og önnur atriði sem lúta að ferilskrá, prófskírteinum og ritaskrá er að finna á vefsíðu rannsóknasetursins EDDU: https://edda.hi.is/a-post-doctoral-research-fellow-in-the-humanities-and-or-social-sciences/
Umsóknarfrestur
Umsóknarfrestur er til og með 31. júlí 2018
Öllum umsóknum er svarað og öllum umsækjendum verður tilkynnt þegar niðurstaða er fengin. Umsóknir gilda í sex mánuði frá umsóknarfresti.
Laun eru samkvæmt kjarasamningi hlutaðeigandi stéttarfélags og fjármálaráðherra.
Tengliður
Nánari upplýsingar veitir Irma Erlingsdóttir, framkvæmdastjóri EDDU ([email protected]; sími: 822–2371).
Við ráðningar í störf við Háskóla Íslands er tekið mið af jafnréttisáætlun háskólans.
Vakin er athygli á málstefnu Háskóla Íslands.
Rannsóknasetrið EDDA leitast við að efla stofnanatengsl við fjölbreytta samstarfsaðila á Íslandi og erlendis og hafa áhrif á opinbera stefnu og samfélagsþróun. Sá sem verður ráðinn mun taka virkan þátt í rannsóknastarfi EDDU (www.edda.is).