Verkefnisstjóri við Rannsóknasetur

Verkefnisstjóri við Rannsóknasetur Háskóla Íslands á Norðurlandi vestra

Laust er til umsóknar fullt starf sagnfræðings við verkefnið "Gagnagrunnur sáttabóka" hjá Rannsóknasetri Háskóla Íslands á Norðurlandi vestra. Um er að ræða tímabundið starf til eins árs en líkur eru til að starfið verði framlengt til lengri tíma. Um er að ræða nýtt verkefni við gerð veflægs og leitarbærs gagnagrunns yfir gjörðabækur sáttanefnda frá árunum 1798-1936. Starfið felst í því að efnisskrá umræddar bækur og koma skránni á veflægt form. Verkefnið er unnið við Rannsóknasetur Háskóla Íslands á Norðurlandi vestra en starfsstöð setursins er á Skagaströnd. Búseta á svæðinu er skilyrði.

Dr. Vilhelm Vilhelmsson, forstöðumaður setursins, leiðir verkefnið.

Helstu verkefni og ábyrgð
Verkefnið snýst um gerð gagnagrunns sáttanefndabóka frá tímabilinu 1798-1936. Meðal verkefna starfsmannsins verður að mynda handskrifaðar gjörðabækur sáttanefnda og koma þeim á stafrænt, veflægt form ásamt því að skrá efni þeirra í gagnagrunn. Skráningarhluti verkefnsins verður unninn í samvinnu við Þjóðskjalasafn Íslands. 

Nánari upplýsingar um verkefnið er að finna hér: http://rannsoknasetur.hi.is/styrkur_til_rannsoknaseturs_hi_nordurlandi_vestra_til_ad_koma_upp_gagnagrunni_sattanefndaboka

Hæfnikröfur
BA-próf í sagnfræði eða tengdum greinum sem nýtast við starfið
Æskilegt er að viðkomandi hafi lokið námskeiði í skjalalestri eða hafi reynslu af vinnu með handrit og skjöl frá 19. öld.
Góð íslenskukunnátta í rituðu og töluðu máli
Æskilegt er að viðkomandi hafi gott vald á upplýsingatækni og færni í að tileinka sér nýjungar á því sviði

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Æskilegt er að viðkomandi geti tekið til starfa sem fyrst.

Eftirfarandi gögn skulu fylgja umsókn:
I. Ferilskrá
II. Staðfest afrit af prófskírteinum
III. Upplýsingar um umsagnaraðila (meðmæli)

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningar í störf við Háskóla Íslands er tekið mið af jafnréttisáætlun skólans. 

Vakin er athygli á málstefnu Háskóla Íslands. 

Á Skagaströnd eru góð búsetuskilyrði fyrir námsmenn og aðra sem geta starfað í fjarvinnslu. Þar er að finna námsstofu sem er öllum tækjum búin til fjarnáms, öflug ljósleiðaratenging er til staðar og öll nauðsynleg þjónusta. Skagaströnd er fjölskylduvænn bær, þar er góður grunnskóli og börn tekin inn á leikskóla frá 9 mánaða aldri, auk þess sem margvíslegar frístundir eru í boði. Sjá nánar á www.skagastrond.is

Starfshlutfall er 100%
Umsóknarfrestur er til og með 04.02.2019

Nánari upplýsingar veitir
Vilhelm Vilhelmsson - [email protected] - 897 2434

Háskóli Íslands
Rannsóknasetur
v/Suðurgötu
101 Reykjavík

Smelltu hér til að sækja um starfið